1783-cü il 29 noyabr tarixində Rus əlifbasına "Ё" hərfi əlavə edildi.
29 noyabr 1864-cü ildə ABŞ tarixindəki ən böyük qırmızıdərili qətliamı “Sand Creek” baş verdi. ABŞ ordusu qırmızıdərililərin yaşadığı müdafiəsiz bir kəndə hücum etdi, aralarında qadın və uşaqların da olduğu 500 qızıldərili qətlə yetirildi.
1899-cu il 29 noyabr tarixində “Barselona” futbol klubunun əsası qoyulub. Joan Hamperin başçılığı ilə bir qrup isveçrəli, britaniyalı, ispaniyalı və kataloniyalı futbolçu tərəfindən yaradılan klub Kataloniyanın rəmzlərindən birinə çevrilib: “Més que un club”, yəni “Klubdan da artıq” devizi belə yaranıb.
1922-ci il 29 noyabr tarixində Tutanxamonun mumiyasının ardından onun varidatı da aşkar edildi.
1928-ci il 29 noyabr tarixində görkəmli Azərbaycan rəssamı, pedaqoq, professor, Azərbaycan və SSRİ Xalq Rəssamı, Rusiya Rəssamlıq Akademiyasının vitse-prezidenti Tahir Salahovun ad günüdür. Azərbaycan neftçiləri haqqında silsilə əsərlər rəssamın yaradıcılığında xüsusi yer tutur. T.Salahovun əsərləri dünyanın müxtəlif ölkələrinin ən iri muzeylərində, şəxsi kolleksiyalarda saxlanılır.
1932-ci il 29 noyabr tarixində SSRİ və Fransa hücum etməmək barədə pakt imzaladılar.
29 noyabr 1937-ci ildə Hatayın müstəqilliyi üçün ilk addım atıldı, muxtar hakimiyyət vəzifəsinin icrasına başladı.
29 noyabr 1945-ci ildə Yuqoslaviya Xalq Federativ Respublikası (YXFR) yaranıb. Yuqoslaviya ərazisi 5 əsrə yaxın Osmanlı imperiyasının tərkibində olmuş, I Dünya müharibəsindən sonra, 1918-ci ildə Serbiya, Çernoqoriya, Sloveniya, Bosniya və Herseqovina, Makedoniya birləşmiş krallıq (1929-cu ildən Yuqoslaviya) yaradıblar. II Dünya müharibəsindən sonra monarxiyaya son qoyuldu və federativ respublika yarandı. 90-cı illərdə Yuqoslaviya parçalandı və hazırda onun yerində altı dövlət var.
29 noyabr 1947-ci ildə BMT Baş Assambleyası Yaxın Şərqdəki tarixi Fələstin ərazisində iki müstəqil dövlətin – yəhudi və ərəb dövlətlərinin yaradılması haqqında qətnamə (141 saylı) qəbul edib. Qətnamədən bir neçə ay sonra (1948-ci ilin mayı) birtərəfli qaydada İsrail dövləti yarandı. Ərəb ölkələri onu tanımalıdır və bu günədək davam edən Fələstin münaqişəsi başlandı.
1962-ci il 29 noyabr tarixində Fransa və Böyük Britaniya səsdən sürətli Concorde mülki təyyarəsini istehsal etmək barədə müqavilə imzaladılar.
29 noyabr 1963-cü ildə ABŞ prezidenti Lendın Cansın Kenedi sui-qəsdini araşdırmaq üçün “Warren Komissiyası” adlanan heyəti vəzifələndirdi.
29 noyabr 1981-ci ildə 3 dəfə“Oskar” mükafatı üçün namizəd göstərilən Natalia Vud sirrli şəkildə dəniz qəzasında həyatını itirdi. Uzun illər davam edən istintaq nəticəsində polis Vudun ölməsində həyat yoldaşı Robert Vaqnerin “şübhəli şəxs” olduğunu açıqladı.
1996-cı il 29 noyabr tarixində Haaqa məhkəməsi 1200 bosniyalının ölümündə iştirak etmiş əsgərə 10 il həbs cəzası verdi.
29 noyabr 2012-ci ildə Fələstin dövləti BMT-nin Baş Məclisində “Müşahidəçi üzv” olaraq qəbul edildi.
29 noyabr 2016-cı ildə Braziliya futbol komandası “Chapecoense”ni Kolumbiyadakı Cənubi Amerika kuboku finalına aparan təyyarə düşdü. Təyyarədəki 81 nəfərdən 76-sı həyatını itirdi. Qəzadan sadəcə 3 futbolçu salamat xilas oldu.
