Uolt Disney 5 dekabr 1901-ci ildə Çikaqoda irland, ingilis və alman əsilli çox kasıb bir ailədə dünyaya göz açmışdır. Karikatura rəssamı olan və 1919-cu ildən etibarən Kanzas Siti şəhərində yaşayan Disney daha sonralar reklam şirkətinə daxil olaraq burada A. Ayverksomla birgə işləməyə başlayır. Onlar birlikdə Disneyin məşhur qəhrəmanlarının hazırlanması ilə məşğul olur, eyni zamanda karikaturalar çəkərək - Gülməyin qramı adlı film yaradırlar. Beləliklə onların ilk reklam çarxları meydana gəlir. Özünün çox da böyük olmayan - Laf-o qramz adlı şəxsi şirkətini quran Uolt Disney, bu işi başlayarkən çox böyük vəsait sərf etməsə də, işini uşaqları sevərəkdən görür. Vaxt ötdükcə o, çox sevilir. Onun çəkdiyi rəsmlərdən, nağıl filmlərindən ibarət olan “Qırmızı papaq”, “Çəkməli pişik” və başqa nağıllardan götürülən, iki hissədən ibarət olan cizgi filminə bənzəyən - Alisa möcüzələr ölkəsində adlanan ilk cizgi filmi ona böyük şöhrət gətirir. Uşaqlıq illərini ehtiyac içərisində keçirən Disney, yeniyetmə ikən hər gün səhər tezdən durub, qapı-qapı dolaşaraq qəzet paylayar, işinin ardınca gedərdi. Fəqət bu işindən qazandığı pul çəkdiyi əziyyətin müqabilində çox-çox az olurdu. Buna görə də o, özünə daha yaxşı bir iş axtarırdı. Lakin təhsili olmadığına görə üz tutduğu hər bir qapı üzünə bağlanırdı. Buna baxmayaraq onun oxumağa çox böyük həvəsi vardı. Disney günlərin birində yenə Çikaqo küçələrində iş axtararkən yol kənarındakı kitab köşkünə yaxınlaşaraq kitablarla maraqlanır. Özü-özünə “ Pulum olsaydı, bunların hamısını alıb, oxuyardım ” - deyə düşünür və sonda yalnız birini ala bilir. Aldığı kitabın arxasında - Kanzas Siti Sənət İnstitutu sizi ödənişsiz kurslara dəvət edir! elanını oxuyur. Çox keçmir ki Uolt Kanzas Siti Sənət İnstitutunun kurslarına qatılır və orada gələcək məsləkdaşı olan Ab Ayverkslə dostlaşır.

Kursu bitirdikdən sonra iki dost özlərinə aid bir cizgi filmi şirkəti qura bilirlər. Lakin, hər şey gözlədikləri kimi alınmır və şirkəti bağlamaq məcburiyyətində qalırlar. Bir müddətdən sonra Uolt Disney, qardaşı Roy Disney və Ab Ayverks Hollivudda bir araya gələrək yaradıcılıq güclərini birləşdirib – “ Alisa cizgi filmi diyarında ” adlı cizgi filmini çəkirlər. Amma yenədə uğur qazanmırlar. Yenədə həvəsdən düşməyib “Dovşan Osvald ” adlı başqa bir cizgi filmini çəkirlər. Amma bu film də tamaşaçılar tərəfindən bəyənilmir. İstedadlı Uolt uğursuzluğun uğursuzluq ardınca gəldiyini görüb pərişan halda Çikaqoya dönür. Burada o, rəsm çəkib küçələrdə satmağı qərara alır. Bu məqsədlə evinin arxasındakı anbardan emalatxana kimi istifadə etməyə başlayır. Bir müddət sonra Uolt öz rəsmləri ilə yenidən Hollivuda - qardaşı Roy və dostu Ub İverksin yanına qayıdır. Onlar --Disney Company şirkətini qurmağı qərara alırlar. İlk işləri əsas personajı Disneyin sevimli siçanı – Mikki Maus olan ―Uillinin buxarlı qayığı adlı cizgi filmini çəkmək olur. Qeyd edək ki, bu filmə qədər cizgi filmləri səssiz çəkilirdi, lakin Uolt Disneyin təkidi ilə bu cizgi filmində ilk dəfə olaraq səsin sinxronlaşdırma texnologiyasından istifadə edilir. Disneyin arzusu gerçəkləşir, - Uillinin buxarlı qayığı bütün seyr rekodlarını üstələyir. Sonrakı illərdə sərvətinin hamısını rəngli, səsli, altı saatlıq - dünyanın ilk uzun cizgi filminə sərf etməyə qərar verir. Film tam üç ilə çəkilir. Filmin məsrəfi 1,5 mln dolları aşmağa başlayınca Disneyin şirkəti iflasın astanasına gəlir. Beləcə, dünyanın ilk bahalı cizgi filmi - Ağbəniz və yeddi cırtdan ərsəyə gəlir. Bu cizgi filmi Disneyə tam 8 mln dollar qazandırır. Uğurlar artır. Mikki Maus, Donald Dakk, Dippi, Pinokio kimi personajları ilə milyonlarca insanın könlünü fəth edən Uolt Disneyi - dünənə qədər heç kəsin tanımadığı bu adamı indi hamı tanımaq istəyir. Reklamçılardan tutmuş, geyimoyuncaq fabriklərinin sahiblərinədək hər kəs onun qəhrəmanlarının şəkillərindən istifadə etmək üçün izn istəyirlər.

Disney öz qəhrəmanlarını təkcə ekrandan deyil, daha yaxından tanıtmaq üçün Kaliforniyada - Disneyland, Floridada - Disney World kimi əyləncə parklarını açır. Uolt Disneyin ən böyük hazırladığı fəaliyyətlərdən biri olan uşaqlar üçün nəzərdə tutulmuş Kaliforniyada yaradılan bu parkda atraksion üsullarını özündə birləşdirən və filmində olan personajlar vardır. Həmin obyekt 1955-ci ildən açıq elan edilmişdir.

Bir az əvvəl söylədiklərimiz uşaqlığını yoxsulluq və iztirab içərisində yaşayan Uolt Disneyin hekayəsi idi. Əlavə edək ki, uşaq ikən sevinməyə heç bir şeyi olmayan bu adam sonradan milyonlarla uşağın çöhrəsinə gülüş bəxş edib və bu əziyyətin bəhrəsi olaraq 29 Oskar mükafatına layiq görülüb.