16 oktyabr 1806-cı ildə Rusiya və Osmanlı arasında yeni müharibə başladı. 1806-cı ildə rus qoşunlarının Valaxiya və Moldovanı tutması Osmanlının Rusiyaya müharibə elan etməsinə səbəb oldu. Osmanlıların Fransanın köməyi ilə Krımı qaytarmaq cəhdi alınmadı. 1812-ci il mayın 16-da Buxarest sülh müqaviləsi bağlandı.

16 oktyabr 1830-cu ildə Rusiya işğalına qarşı 21 iyunda başlayan Zaqatala üsyanı yatırıldı.

Cərrah Con Uorren tibb tarixində ilk dəfə olaraq 1846-cı il oktyabrın 16-da Boston xəstəxanasında narkoz altında əməliyyat aparıb. Efirin köməyilə yuxuya verilən Eilbert Ebbotun boynundakı şiş çıxarılıb.

16 oktyabr 1853-cü ildə Krım müharibəsi başlanıb. Müharibədə Rusiya və ona qarşı Osmanlı, Britaniya və Fransa alyansı çıxış edirdi. 1856-cı il martın 30-da imzalanan Paris sülhünə görə, Rusiya Qara dənizdə hərbi donanma saxlamaq hüququndan məhrum edildi. Bessarabiyanın cənubu Osmanlıya verildi. Rusiya yalnız 1878-ci ildə Osmanlı ilə müharibədən sonra itirdiyi mövqeləri qaytara bildi.

Almaniya Sosial – Demokrat Hərəkatı və İkinci İnternasionalın liderlərindən olan Karl Kautski 1854-cü ilin bu günü Çexoslavakiyanın paytaxtı Praqada dünyaya gəlib. K.Marklsa tanışlıqdan sonra onun ideyalarının ən fəal təbliğatçılarından olan K.Kautsi sonradan mövqeyini dəyişib və oppurtinizmə meyl edib. Rusiyada Oktyabr İnqilabını düşməncəsinə qarşılayıb. V.İ.Leninin 1920-ci ildə qələmə aldığı “Proletar inqilabı və xain Kautski” əsəri ona ünvanlanıb. (1854-1938)

Azərbaycanın görkəmli hərbi xadimi, general-leytenant Səməd bəy Mehmandarov 1856-cı il oktyabrın 16-da dünyaya gəlib.
Səməd bəy Rusiya – Yaponiya müharibəsi zamanı 7-ci Sibir artilleriya diviziyasının komandiri olub. Port-Arturun müdafiəsi zamanı göstərdiyi igidliyə görə “Qızıl qılınc”la təltif edilib. 1918-ci ilin dekabrından 1920-ci ilin aprelinə qədər Azərbaycan Xalq Cümhuriyyətinin hərbi naziri vəzifəsində çalışan bu istedadlı sərkərdənin Azərbaycan hərb sənətinin inkişafında, eləcə də hərbi kadrların hazırlanmasında xidmətləri əvəzsizdir. Səməd bəy Mehmandarov çar Rusiyasının “Stanislav”, “Vladimir” və “Georgi” ordenlərinin bütün dərəcələri, həm də İngiltərə, Fransa və Rumıniyanın yüksək orden və medalları ilə təltif edilib. (1856-1931)

16 oktyabr 1923-cü ildə nağıl və multiplikasiya ustadı olan Uolt Disney və qardaşları Nyu-York distribüteri Marqaritlə “Alisa möcüzələr ölkəsində” adlı ilk multiplikasiya filmlərinin çəkilişi üçün müqavilə bağlayıblar və həmin tarixdən “Uolt Disney” şirkəti yaradılıb.

Muzey olmasına qərar verilən Topqapı Sarayı ilk dəfə 1924-cü ilin 16 oktyabrında xalqın ixtiyarına verilib.

16 oktyabr 1945-ci il Birləşmiş Millətlər Təşkilatının Ərzaq və Kənd Təsərrüfatı Təşkilatı yaradılıb və hər il oktyabrın 16-sı Dünya Qida Günü kimi qeyd edilir.

16 oktyabr 1946-cı ildə Nürnberq prosesində barəsində ölüm hökmü çıxarılan hərbi canilər edam edildilər.

16 oktyabr 1951-ci ildə Tofiq Bəhramov adına Respublika Stadionu istifadəyə verilib. İnşasına 1939-cu ildə başlanılan stadionun tikintisi Böyük Vətən müharibəsi ilə əlaqədar yarımçıq qalmışdı. İnşaat işləri yalnız müharibədən sonra davam etdirilmiş və bu işə alman hərbi əsirləri cəlb olunmuşdu. 1990-cı ildən dünya şöhrətli azərbaycanlı hakim Tofiq Bəhramovun adını daşıyır.

1954-cü ildən 16 oktyabr – Ümumdünya Ərzaq Günü kimi qeyd olunur. Bu günlə əlaqədar tədbirlər bütün dünyada ərzaq çatışmazlığının qarşısını almaq üçün dövlətləri və təşkilatları səmərəli əməkdaşlığa çağırır.

16 0ktyabr 1959-cu ildə SSRİ-də ilk dəfə olaraq Moskvada yeraltı piyada keçidləri açıldı.

16 oktyabr 1964-cü ildə Çin ilk atom bombasını sınaqdan keçirərək ABŞ, SSRİ və İngiltərədən sonra dünyanın 4-cü nüvə gücü oldu.

16 oktyabr 1978-ci ildə tarixdə ilk slavyan və 1523-cü ildən bəri romalı olmayan ilk şəxs Roma papası seçildi.

16 oktyabr 1992-ci ildə 91 nəfər tanınmış Azərbaycan ziyalısı ölkəni düşdüyü çətin vəziyyətdən xilas etmək üçün Heydər Əliyevə müraciət edib. Onların müraciətini nəzərə alan Heydər Əliyev Yeni Azərbaycan Partiyasının yaradılmasına və ona rəhbərlik etməyə razılıq verib, siyasi hakimiyyətə gələrək yenicə müstəqilliyə qovuşan respublikanı yox olmaq təhlükəsindən xilas edib.

16 oktyabr 2002-ci ildə ABŞ prezidenti Corc Buş (George W. Bush) konqresdən İraqa döyüşaçma səlahiyyəti aldı.

16 oktyabr 2004-cü ildə Bakı-Tbilisi-Ceyhan neft kəmərinin Azərbaycan və Gürcüstan ərazilərindən keçən hissələri təntənəli mərasimlə birləşdirildi.

2012-ci il. Bakıda İqtisadi Əməkdaşlıq Təşkilatının XII zirvə toplantısı keçirilib. Toplantıda Azərbaycan Prezidenti İlham Əliyev, Tacikistan Prezidenti Emoməli Rəhmon, Türkiyənin Baş naziri Rəcəb Tayyib Ərdoğan, İran Prezidenti Mahmud Əhmədinejad, Əfqanıstan Prezidenti Həmid Kərzai, Pakistan Prezidenti Asif Əli Zərdari və digər yüksək vəzifəli şəxslər iştirak ediblər. İqtisadi Əməkdaşlıq Təşkilatının XII zirvə toplantısının yekununa dair Bakı bəyannaməsi qəbul olunub.