Məşhur alman astronomu İohan Kepler (Johannes Kepler) 1571-ci ilin bu günü Vyurtemberq şəhərində dünyaya gəlib. Astronomiyaya dair ilk əsərini – “Kainatın sirri”ni 25 yaşında qələmə alan gənc alim sonra özünün ixtira etdiyi teleskopdan bəhs edən “Dioptrika” kitabını yazıb. Keplerin tədqiqatlarımüasir astronomiya elmi üçün hələ də əhəmiyyətini itirməyib. (1571-1630)
1642-ci il 13 dekabr tarixində Hollandiyalı dənizçi Abel Tasman Yeni Zelandiyanı kəşf edib. Artıq bir neçə gün sonra bu torpaqda yaşayan maori xalqının adətlərinə bələd olub. A.Tasmanın dediyinə görə, yerlilər sahilə qədəm qoyan üç matrosu heç bir səbəb olmadan öldürüblər. O da bu limanı “Qatillər buxtası” adlandırıb. Bu gün həmin buxta Qolden-Bey, yəni “Qızıl buxta” adlanır.
Böyük alman şairi və publisisti Henrix Heyne 1797-ci ilin 13 dekabrında Almaniyanın Düsseldolf şəhərində yoxsul yəhudi ailəsində anadan olub. Ədibin yaradıcılığında Böyük Fransa İnqilabı və maarifçilik ideyaları öz əksini tapır. Henrix Heyne Azərbaycan ədəbiyyatı ilə də maraqlanıb: məqalələrində Nizami Gəncəvinin yaradıcılığını yüksək qiymətləndirib. (1797-1856)
1808-ci il 13 dekabr tarixində I Napoleon Madridi tutubmuşdur.
Rus ədəbiyyatında simvolizmin nümayəndələrindən sayılan Valeri Bryusov 1873-cü ilin bu günü Bakıda anadan olub. (1873-1924)
1897-ci il 13 dekabr tarixində Rus ordusu Port-Arturu işğal etmişdir.
1920-ci il 13 dekabr tarixində Millətlər Cəmiyyəti Haaqada Beynəlxalq Ədalət Məhkəməsi təsis edib. Beynəlxalq Ədalət Məhkəməsi Birləşmiş Millətlər Təşkilatının əsas məhkəmə orqanıdır.
1960-cı ilin 13 dekabrında Fransa prezidenti Şarl de Qollun (Charles de Gaulle) Əlcəzair səfəri zamanı çıxan hadisələrdə 123 adam həyatını itirdi.
1963-cü il 13 dekabr tarixində "Kosmosdan istifadə haqqında" Saziş imzalanmışdır.
Yunanıstan kralı II Konstantin ölkədə rəhbərliyi ələ keçirən hərbi cuntaya qarşı 13 dekabr 1967-ci ildə hərəkətə keçdi, ancaq uğursuzluğa düçar oldu. Larissada orduya və xalqa çağırış edən kral ümid etdiyi dəstəyi tapa bilməyincə ailəsiylə birgə İtaliyaya qaçdı.
Misirin Qahirə şəhərində dünyaya gəlmiş Türkiyə siyasətçisi, diplomat və yazıçı Yaqub Qədri Qaraosmanoğlu (Yakup Kadri Karaosmanoğlu) 1974-cü ilin 13 dekabrında 85 yaşında Ankarada dünyasını dəyişib. (1889-1974)
1979-cu ilin bu günü Türkiyə ədəbiyyatının tanınmış ismi – yazıçı Behçet Necatigil İstanbulda 63 yaşında həyatla vidalaşıb. (1916-1979)
1981-ci il 13 dekabrda Polşada general Voytsex Yaruzelski (Wojciech Jaruzelski) hökuməti tərəfindən hərbi vəziyyət elan olundu və Həmkarlar Təşkilatının 14 min üzvü həbs edildi.
Müasir Azərbaycan Respublikasının müstəqilliyi 1991-ci il dekabrın 13-də Pakistan dövləti tərəfindən tanındı.
13 dekabr 1995-ci ildə Avropa Parlamenti Türkiyənin Gömrük Birliyinə daxil olmasına razılıq verdi.
1996-cı il 13 dekabr tarixində Kofi Annan BMT baş katibi seçilmişdir.
2002-ci ilin 13 dekabrında Avropa İttifaqı tarixinin ən böyük genişlənməsini elan etdi: 10 namizəd ölkənin 2004-cü ilin 1 mayından ittifaqa üzv olacağı açıqlandı.
ABŞ-ın İraqı işğalından sonra Bağdaddan qaçan ölkə başçısı Səddam Hüseyn doğulduğu Tikrit yaxınlarında bir sığınacaqda 13 dekabr 2003-cü ildə Amerika əsgərləri tərəfindən tutuldu. Onun həbsi İraqda sürən müqavimət hərəkatı üçün dönüş nöqtəsi oldu.
2017-ci il 13 dekabrda İslam Əməkdaşlıq Təşkilatı İstanbulda ABŞ-ın Qüdsü paytaxt kimi tanıması və səfirliyini ora daşıma qərarını müzakirə etmək üçün fövqəladə toplantı etdi. 48 ölkədən 16 ölkə başçısı və digər ali rəsmi nümayəndələrin qatıldığı zirvə toplantısında ABŞ-ın qərarına etiraz və Fələstin dövlətinin paytaxtının Şərqi Qüds olduğu bildirildi.
