1643-cü ilin 4 yanvarında İngiltərənin Vulstorp şəhərində fermer ailəsində dünyaya gələn İsaak Nyuton məşhur ingilis fiziki, riyaziyyatçısı və teoloqudur. Differensial hesablamalar və inteqral hesablamalar, klassik mexanikanın əsas qanunları, Ümumdünya Cazibə Qanunu, optika sahəsində fundamental kəşflər – bütün bunlar Nyuton dühasının bəhrələridir. (1643-1727)
1804-cü ilin bu günü Gəncə xanı Cavad xan rus qoşunları ilə döyüşdə həlak oldu.
1847-ci ilin 4 yanvar tarixində Samuel Kolt hazırladığı ilk revolveri ABŞ hökumətinə təqdim etdi.
1865-ci il 4 yanvar tarixində Ağa xan Abbasqulu xan oğlu İrəvanski dünyaya gəlib. O, Rusiya imperiyası I Dövlət Duması üzvü, 1919-cu ildə isə İrəvan Müsəlman Milli Şurasının sədri olub.
1896-cı il 4 yanvar tarixində Yuta ABŞ-ın 45-ci ştatı oldu.
İlk appendisit əməliyyatı 1885-ci il yanvarın 4-də ABŞ-ın Loua (Lowa) ştatının Davenport şəhərində doktor Uilyam Uest Qrant (William West Grant) tərəfindən həyata keçirilib.
Yanvarın 4-ü Azərbaycan ədəbiyyatının görkəmli maarifçilərindən biri, yazıçı-dramaturq və jurnalist Cəlil Məmmədquluzadənin xatirə günüdür. Naxçıvanda anadan olan (1866) Mirzə Cəlil 1932-ci ilin bu günü Bakıda dünyasını dəyişib. Onun hekayə və felyetonları, “Ölülər” komediyası Azərbaycan satirik ədəbiyyatı, təsisçisi və naşiri olduğu “Molla Nəsrəddin” jurnalı isə Azərbaycan jurnalistikası tarixində əvəzsiz yer tutur. Bu jurnal bütün Yaxın və Orta Şərqdə, xüsusilə, İran və Türkiyədə ədəbi-ictimai fikrin inkişafına mühüm təsir göstərib.
1943-cü ilin 4 yanvar tarixində "Taym" jurnalı İosif Stalini 1942-ci il üçün "İlin adamı" elan etdi.
Bu gün Myanmar xalqının müstəqillik günüdür. 1947-ci ildə Britaniya imperiyasının tərkibindən çıxan Myanmar 1948-ci il 4 yanvarda müstəqilliyini elan edib.
1959-cu il 4 yanvar tarixində SSRİ-nin "Luna-1" kosmik gəmisi Ay ətrafına çatan ilk kosmik aparat olur.
1967-ci ilin bu günü Cənubi-Şərqi Anadoluda istehsal olunan xam nefti İskenderun Körfezinə daşıyan 490 kilometrlik Batman-İskenderun neft boru xətti xidmətə açılıb.
1969-cu ildə hər növ irqi ayrı-seçkiliklərin aradan qaldırılması üçün beynəlxalq müqavilə hazırlandı. Türkiyə bu müqaviləni 2001-ci ildə imzaladı.
İçinə gizlədilmiş əsgərlərlə tanınan, Troya şəhərinin ələ keçirilməsini təmin edən, bir çox filmlərin mövzusu olan “Troya atı”nın 12 metrlik bənzəri heykələ çevrilərək 1976-cı ilin 4 yanvar günü Türkiyənin Çanaqqala rayonunun antik Truva şəhərində qoyuldu.
1986-cı ildə bu günü Türkiyənin İstanbul şəhərində Avropa və Asiya qitələrini ikinci dəfə birləşdirən Fatih Sultan Mehmet Körpüsünün tikintisi başladı.
2007-ci il 4 yanvar tarixində ABŞ Konqresinin 110-cu çağırışında Nümayəndələr Palatasının sədri vəzifəsinə ilk dəfə olaraq qadın - Nansi Pelosi seçilib.
2010-cu ilin 4 yanvarında Birləşmiş Ərəb Əmirliklərinin Dubay şəhərində dünyada ən yüksək göydələn kimi qəbul edilən “Bürc Xəlifə”nin tikintisi tamamlandı.
