1861-ci il 10 yanvar tarixində ABŞ Vətəndaş müharibəsi dövründə Florida İttifaqdan ayrıldı.
1862-ci il 10 yanvar tarixində amerikalı ixtiraçı, silah ustası Semyuel Kolt vəfat edib (1814-1862). Dəfn mərasimində iştirak edən qohumlar, dostlar, onun fabrikində işləyən qulluqçu və fəhlələr, ABŞ Milli Qvardiyasının üzvləri və ordu əsgərləri Koltu son mənzilə onun özünün düzəltdiyi silahların atəş səsləri altında yola salıblar.
1863-cü il 10 yanvar tarixində Londonda dünyada ilk metropoliten xətti (3,6 kilometr) işə salınıb. Metropolitenin dəmir yolu xətti buxar mühərrikli qatarların hərəkəti üçün nəzərdə tutulurdu. Yeraltı dəmir yolunda ventilyasiya zəif olduğu üçün stansiyalarda parovoz tüstüsü nəfəs almağı tez-tez çətinləşdirirdi. Buna baxmayaraq, yeni nəqliyyat növü populyarlıq qazana bildi.
1870-ci il 10 yanvar tarixində Con Rokfeller “Standard Oil of Ohio” səhmdar cəmiyyətini təsis edib. Şirkət çox keçmədən ABŞ-da neft sahəsində üstünlüyü ələ alaraq qlobal miqyasda sənaye imperiyasına çevrilib. Bu gün dünyanın ən böyük neft şirkətlərindən biri olan “ExxonMobil” “Standard Oil”un varisidir.
Birinci Dünya Müharibəsindən sonra yeni savaşlara mane olmaq məqsədiylə 1920-ci ilin 10 yanvarında mərkəzi İsveçrədə yerləşən Millətlər Cəmiyyəti quruldu. Müharibənin qalibləri tərəfindən qurulan bu cəmiyyət Avropada artan avtoritar rejim və sanksiyalarla əlaqədar 1946-cı ildə dağıldı və onun aktivləri və öhdəlikləri BMT-yə verildi.
Yunan və Türkiyə orduları arasında 1921-ci ilin 6 yanvarından başlayan qarşıdurmalar yunanların İnönü bölgəsindəki Türkiyə mövqelərinə etdiyi hücumlarla ayın 10-da ən yüksək həddinə çatdı. Amma polkovnik İsmət İnönünün başçılığı altında olan Türkiyə Ordusunun müqavimətini qıra bilməyən Yunanıstan hərbi qüvvələri geri çəkilmək məcburiyyətində qaldı. Türkiyənin Qurtuluş Savaşı tarixində Birinci İnönü Döyüşü Mustafa Kamal Paşanın öndərliyilə Türkiyə Böyük Millət Məclisi hökuməti tərəfindən qurulan nizamlı ordunun qazandığı ilk zəfər sayılır.
Azərbaycan memarlıq məktəbinin parlaq simalarından biri olan Ələsgər Hüseynov 1928-ci ilin bu günü anadan olub. Onun yaratdığı nümunələrdə Qərb və Şərq motivləri, İtaliya və Azərbaycan memarlarının zəngin təcrübəsi üzvi surətdə birləşib. (1928-1976)
1946-cı ilin 10 yanvar tarixində Londonda 51 dövlətin nümayəndəsinin iştirakı ilə BMT Baş Assambleyasının ilk iclası başladı.
1951-ci ildə Türkiyə vətəndaşlığından çıxarılan məşhur türk şairi Nazim Hikmət Ran 2009-cu il 10 yanvar tarixində “Resmi Gazete”də dərc olunan qərarla ölümündən 46 il sonra yenidən Türkiyə vətəndaşı oldu.
1954-cü ilin bu günü Mingəçevir Su Elektrik Stansiyası işə salınıb. Bu qurğu bir əsrə yaxındır ki, Azərbaycan ərazisinin böyük bir hissəsini işıqla təmin edir.
Azərbaycan Milli Qəhrəmanı Muxtar Qasımov 1958-ci ilin 10 yanvarında Beyləqanda dünyaya gəlib. 1981-ci ildə Azərbaycan Tibb Universitetini bitirdikdən sonra 7 il Qarabağın Xankəndi rayonu, sonra isə Ağdamın mərkəzi xəstəxanalarında çalışıb. Qarabağ Müharibəsi illərində yüzlərlə yaralı Azərbaycan əsgərinə şəfa verən Muxtar həkim Xocalı facisəsindən sonra taleyini tamamilə cəbhəyə bağlayıb. 1992-ci ildə Ağdam bölgəsində gedən döyüşlərdə də hərbi həkim olan Muxtar Qasımov elə həmin il Naxçivanik kəndində qəhrəmancasına həlak olub. (1958 - 1992)
1962-ci ilin 10 yanvarında tarixdə ən böyük qar uçqunu baş verib: Nevado Uaskaran (Peru) dağında başlayan qar və buz uçqununun həcmi təxminən 3 milyon kubmetrə, uçqunun sonunda isə 10 milyon kubmetrə çatıb. Bu uçqun 7 dəqiqə ərzində Ranrairka şəhərini, 6 daha kiçik məntəqəni Yer üzündən silib, üç yaşayış məntəqəsini isə qismən dağıdıb. Təxmini hesablamaya görə, 4 min insan təbii fəlakətin qurbanı olub.
Fransanın dünyaşöhrətli modelyeri Koko Şanel 1971-ci ilin bu günü həyatdan köçüb. Onun yaratdığı paltar nümunələri müasir dövrdə də xanımların bəyəndikləri geyimlərdir. Məhz Koko Şanel ilk dəfə qara rəngi dəbə mindirib. Məşhur “Şanel” ətri də onun adı ilə bağlıdır. (1883-1971)
1992-ci il 10 yanvar tarixində Azərbaycan Beynəlxalq Bankı yaradılmışdır.
1997-ci il 10 yanvar tarixində Space TV Müstəqil Televiziya və Radio Şirkəti yaradılmışdır.
2001-ci il 10 yanvar tarixində Vikipediya Nupediyanın tərkibində fəaliyyətə başladı.
2006-cı il 10 yanvar tarixində İctimai Radio yaradılmışdır.
2008-ci il 10 yanvar tarixində Bakı şəhərində Dənizkənarı Bulvar İdarəsi yaradılmışdır.
2014-cü iln bu günü Azərbaycanda "Sənaye ili" elan olunub.
2017-ci iln 10 yanvarında Azərbaycanda "İslam həmrəyliyi ili" elan olunub.
2018-ci ilin bu günü Azərbaycanda "Azərbaycan Xalq Cümhuriyyəti ili" elan olunub.
