1575-ci ildə Leyden şəhərində Müqəddəs Barbara qadın monastrının köhnə binasında Hollandiyanın ilk universiteti açılıb. Bu ali məktəbin təsis hüququ şəhər sakinlərinə İspaniya hökmranlığına qarşı mübarizədə göstərdikləri qəhrəmanlığa görə şahzadə Vilhelm Oranski tərəfindən verilib. Azadlıq hərəkatına başçılıq edən şahzadə şəhər sakinlərinə 2 əhəmiyyətli təklif edib: ya universitet açılması, ya da onların uzun müddət vergidən azad olunması. Leydenlilər universitetin yaradılmasını seçirlər.
1672-ci il 8 fevral tarixində İngilis fizik İsaak Nyuton "İşığın təbiəti haqqında" tədqiqatını açıqlamışdır.
1806-cı ilin 8 fevralı çar generalı Pavel Sisianov Bakının Rusiya tərkibinə ilhaqı üçün İçərişəhərin qala qapıları qarşısında Bakı xanı Hüseynqulu xanla görüşə gəlib. Burada Bakı xanının qalanın açarlarını ona təqdim edəcəyi gözlənilirdi. General açarları alan anda Hüseynqulu xanın yaxın adamlarından biri olan İbrahim xan Sisianovu qətlə yetirib.
1816-cı ildə Şotlandiyanın Aberdinşir qraflığında polisin keçirdiyi əməliyyat zamanı dünyada ilk dəfə it həmin əməliyyata cəlb olunur.
1828-сi il 8 fevral taixində Rusiya qoşunları Ərdəbili işğal etmişdir.
Məhşur Fransa yazıçısı, elmi-fantastik roman janrının banisi Jül Vern 1828-ci ilin 8 fevralında anadan olub. Ədəbi fəaliyyətə 21 yaşından (1849) başlayan yazıçı “5 həftə hava şarında” adlı ilk romanı ilə rəğbət qazanıb. “Kapitan Qrantın uşaqları”, “80 min kilometr su altında”, “Sirli ada”, “15 yaşlı kapitan”, “Klaudio Bombarnakın səyahəti” və başqa romanları isə onadaha böyük şöhrət qazandırıb. Qeyd edək ki, Jül Vernin əsərlərində yer alan fantaziyaların 80 faizindən çoxu artıq gerşəkləşib. (1828-1905)
Məhşur Rusiya kimyaçısı, pedaqoq və ictimai xadim Dmitri Mendeleyev 1834-cü ilin 8 fevralında dünyaya gəlib. D.Mendeleyev kimyəvi birləşmələrin tərkibi, fiziki xassələri və formaları arasındakı əlaqə ilə bağlı uzun illər ardıcıl axtarışlar aparıb və nəticədə elementlərin dövri sistemi cədvəlini hazırlayıb. Neftin qeyri-üzvi mənşəyi haqqında fikir irəli sürüb, ondan təkcə yanacaq deyil, həm də qiymətli kimyəvi xammal kimi istifadə edilməsinin zəruriliyini göstərib. Bununla əlaqədar o, 6 dəfə Amerika Birləşmiş Ştatlarında və Azərbaycanda olub. Paytaxt Bakıda neft itkilərini azaltmaq üçün mədəndən neftayırma zavoduna və oradan dəniz körpüsünə qədər neft kəməri çəkmək, kerosini Rusiyaya xüsusi gəmilərlə daşımaq kimi konkret təkliflər verib. (1834-1907)
1837-ci ildə rusiyalı şair Aleksandr Puşkin və fransız zabiti Corc Dantes arasında tapança ilə duel baş tutub. Duel nəticəsində Puşkin ölümcül yaralanıb və iki gün sonra vəfat edib.
1838-ci ildə Amerikalı ixtiraçı Samuel Morse Filadelfiyada ilk dəfə olaraq bütün dünyada Morze kodu kimi tanınan xüsusi kodlaşdırmada siqnallardan istifadə edərək mesajlar ötürən elektromaqnit teleqraf sistemini ilk dəfə ictimaiyyətə nümayiş etdirdi (hər hərf tire və nöqtələrin birləşməsindən ibarətdir, ötürülən elektrik cərəyanının qısa və uzun partlayışları ilə).
1904-cü il 8 fevral tarixində Yaponiya donanmasının Port-Artur qalasına hücum edərək Rusiya donanmasını məhv etməsi ilə rus-yapon müharibəsi başlayıb (1904-1905). Port-Arturun 322 günlük mühasirəsi zamanı qalanın müdafiəsində azərbaycanlı generallar Səməd bəy Mehmandarovun və Əlağa Şıxlınskinin də mühüm xidmətləri olub.
1907-ci ilin 8 fevralında İranda Milli Məclisə seçilmiş Cənubi Azərbaycan nümayəndələri Tehran əhalisi tərəfindən təntənə ilə qarşılandı.
1921-ci ilin 8 fevralı Türkiyə Böyük Millət Məclisi Antep şəhərinə Qurtuluş Savaşında Fransa hərbi birliklərinə göstərdiyi qəhrəmancasına müqavimətinə görə “Qazi” adını verən qanunu qəbul etdi. O gündən şəhər Gaziantep adlanır.
1922-ci il 8 fevral tarixində ABŞ Prezidenti Uorren Hardinq Ağ Evdə ilk radio cihazını təqdim edib. O, radio ilə müraciət edən ilk Prezident olub.
1928-ci il 8 fevral tarixində rusiyalı teatr və kino aktyoru, SSRİ xalq artisti Vyaçeslav Tixonov (1928-2009) anadan olub. O, Tatyana Lioznovanın 12 seriyadan ibarət "Baharın on yeddi anı" (1973) filmindəki kəşfiyyatçı İsayev (Ştirlis) rolu ilə tanınıb.
1929-cu ildə sovet təyyarə konstruktoru Nikolay Kamov ixtira etdiyi cihazı əvvəllər istifadə edilən “vertolyot” ifadəsini əvəz edərək yeni “vertolyot” sözü ilə adlandırdı.
1935-ci ilin 8 fevral tarixindә Türkiyә Böyük Millәt Mәclisinin V dönәm seçkilәrindә türkiyәli qadınlar seçmә vә seçilmә hüququndan istifadә etdi. 17 qadın ilk olaraq millәt vәkili seçildi. Daha sonra keçirilәn seçkilәrlә bu rәqәm 18 nәfәrә yüksәldi.
Atatürkün mənəvi qızı və Türkiyənin ilk qadın döyüş təyyarəsi pilotu Sabiha Gökçen 1951-ci ilin 8 fevralında pilot olaraq Koreya müharibəsində iştirak etmək üçün müraciət edib. Onun bu təşəbbüsü nəinki Türkiyə, Qərb mətbuatında da geniş əks-səda yaradıb. Amma bu müraciət ABŞ ordusunda qadın pilot olmadığı üçün qəbul edilməyib. Qeyd edək ki, Sabiha Gökçen Türkiyə və dünyada ilk qadın döyüş təyyarəsi pilotu sayılır.
1963-cü ilin 8 fevralı İraqda Əbdusselam Arifin başçılığı ilə “Baas” hərbçiləri hakimiyyəti ələ keçirdilər və Baş nazir Qasımı öldürdülər.
1971-ci il 8 fevral tarixində dünyanın texnoloji birjası olan NASDAQ Nyu-Yorkda fəaliyyətə başlayıb.
1994-cü il 8 fevral tarixində Ukrayna NATO ilə "Əməkdaşlığa dair çərçivə sazişi" imzalamışdır.
8 fevral 2005-ci ildə Abşeron Milli Parkı yaradılıb. Abşeron Milli Parkının heyvanat aləmi çox zəngindir. Abşeron Milli Parkının Xəzər dənizi ərazisində xeyli miqdarda Xəzər suitisi yayılmışdır. Bu növ, pərayaqlıların yeganə nümayəndəsidir ki, Dünya okeanının ən kiçik suitisi kimi "Ginnesin Rekordlar Kitabı"na daxil edilib. Bu ərazini çox vaxt tanıtmaq üçün Azərbaycan xəritəsindəki "qartalın dimdiyi" də deyirlər. Rəvayətə görə əvvəllər bura yüksək mənsəbli əyanlar, o cümlədən şahlar (xanlar) ova gələrmiş. Ona görə də buranı yerli əhali Şah dili adlandırır.
2013-cü il 8 fevral tarixində Azərbaycan Respublikasının ilk telekommunikasiya peyki - “Azərspace-1” uğurla orbitə buraxılıb. Bu, Azərbaycanın müstəqillik tarixinin ən önəmli hadisələrindən biri idi. Bu münasibətlə təşkil olunan mərasimdə Prezident İlham Əliyev və xanımı Mehriban Əliyeva iştirak ediblər. “Azərspace-1” peyki 46 dərəcə Şərq uzunluq dairəsində geostasionar orbitdə yerləşib. Peyk Avropa, Afrika, Mərkəzi Asiya, Qafqaz ölkələri və Yaxın Şərq regionunu əhatə edir.
