Rəssam Fikrət Ağa Zeynal oğlu Ələkbərov 18 fevral 1946-cı ildə Bakı şəhərində anadan olub. 1962-ci ildə Əzim Əzimzadə adına Rəssamlıq Məktəbinin rəngkarlıq şöbəsinə daxil olub. 1967-ci ildə Ə.Əzimzadə adına Rəssamlıq məktəbini, 1973-cü ildə M.A.Əliyev adına Azərbaycan Dövlət İncəsənət İnstitutunun rəssamlıq fakültəsini bitirib. 1974-cü ildən C.Cabbarlı adına “Azərbaycanfilm” kinostudiyasında işləyib. 70-ə yaxın filmdə quruluşçu rəssam, həm də geyim üzrə rəssam olub.

1988-ci ildən quruluşçu rəssam kimi çalışdığı “Gənc qadın üçün kişi”, “Girişmə-öldürər”, “Niyyət”, “Əlavə təsir”, “Dərs” və digər bədii filmlər onun yaradıcılıq potensialını nümayiş etdirir.

2008-ci ildə Azərbaycan Respublikasının əməkdar rəssamı fəxri adına layiq görülüb.

Kinooperator Ağa Zeynal Ələkbərovun oğlu, SSRİ-nin Xalq artisti Ələsgər Ələkbərovun yaxın qohumudur.