1512-ci ilin 22 fevral tarixindǝ italiyalı sǝyyah Ameriqo Vespuççi 58 yaşında vǝfat edib. Vespuççi kǝşf edilǝn torpaqların Hindistan deyil yeni bir qitǝ olduğunu Avropaya göndǝrdiyi mǝktublarda qeyd etmişdi.

1632-ci il 22 fevral tarixində İtaliyalı məşhur alim, fizik, astronom və riyaziyyatçı Qalileo Qalileyin “İki kainat sistemi barədə dialoq” əsəri çapdan çıxıb.

1700-cü il 22 fevral tarixində Rusiya və İsveç arasında Şimal müharibəsi başladı.

Amerikanın məhşur dövlət xadimi Corc Vaşinqton (George Washington) 1732-ci ilin bu günü dünyaya gəlib. O, 1775-1783-cü illər istiqlaliyyət müharibəsi zamanı Amerika ordusunun baş komandanı olub və partizan dəstələri ilə birlikdə İngiltərənin nizami qoşunlarını məğlubiyyətə uğradıb. 1787-ci ildə Vaşinqtonun sədrliyi ilə Amerika Birləşmiş Ştatlarının konstitusiyası hazırlanıb. Həmin konstitusiya bəzi dəyişikliklərlə indi də qüvvədədir. Corc Vaşinqton 1789-1797-ci illərdə Şimali Amerika dövlətinin ilk prezidenti olub. 1799-cu ildə 67 yaşında dünyasını dəyişib. (1732-1799)

Dünyaşöhrətli böyük bəstəkar Frederik Şopen (Fryderyk Franciszek Chopin) 1810-cu ilin 22 fevralında Polşanın paytaxtı Varşavada dünyaya gəlib. Fortepianoda çalmağı kiçik yaşlarından öyrənən Şopen 7 yaşından konsertlər verib. 1830-1831-ci illər Polşa üsyanının faciəli aqibəti Şopeni sarsıdıb, keçirdiyi ağır həyəcanlar məhşur “İnqilabi etüd” əsərində öz əksini tapıb. “Matəm marşı” isə Şopen yaradıcılığının zirvəsi sayılır. Frederik Şopen 1831-ci ilin payızından Parisdə yaşayıb, burada dünyasını dəyişib və Per-Laşez qəbiristanlığında dəfn olunub. (1810-1849)

1819-cu ilin 22 fevral tarixində Vaşinqtonda imzalanan Adams-Onis müqaviləsinə əsasən, İspaniya Floridanı 5 milyon dollara ABŞ-a satıb.

1848-ci ilin bu günü Fransanın paytaxtı Parisdə fəhlələr ayağa qalxdı. Bununla da 2 il boyu Avropanı alt-üst edəcək fəhlə inqilabları başladı. Fransadan qalxan və qısa müddətdə bütün Avropanı təsiri altına salan Boyük Fransa İnqilabı torpaq islahatının gecikməsi, kənd təsərrüfatının geriləməsi və burjuaziyanın daha çox zənginləşməsinə etiraz olaraq baş verdi. Bir çox ölkədə hakimiyyət dəyişikliklərinə yol açan bu inqilab Fransada ikinci respublikanın qurulmasına gətirib çıxardı.

Məhşur alman fiziki Henri Herts (Heinrich Rudolf Hertz) 1859-cu ilin bu günü Hamburqda anadan olub. Əsas tədqiqatları banisi olduğu elektrodinamika və mexanikaya aiddir. O, elektromaqnit dalğalarının mövcudluğunu təcrübədə isbat edib, xassələrini öyrənib və elektromaqnit dalğalarının eyniliyini müəyyənləşdirib. Tezlik vahidi Herts onun adını daşıyır. (1857-1894)

1882-ci il 22 fevral tarixində Serbiya krallığı bərpa olundu.

22 fevral 1914-cü ildə ilk Azərbaycan türkcəsində jurnal olan “Lək-Lək” nəşr edilib. "Lək-lək" jurnalının nəşri üçün 1914-cü il yanvarın 21-də Mir Məhəmməd Mir Fətullayevə və Cabbar Əsgərzadəyə şəhadətnamə verib. Şəhadətnamədə qeyd olunub ki müəlliflər jurnalda məqalələr, şeirlər, şəhər işləri haqqında xəbərlər, teleqramlar, xarici və daxili xəbərlər, felyetonlar, təmsillər və elanlar çap edə bilərlər. Jurnalının ilk nömrəsi 1914-cü il fevralın 22-də İrəvanda çap edilib.

1924-cü il 22 fevral tarixində Azərbaycan bəstəkarı, Xalq Artisti (1974) Süleyman Ələsgərov anadan olub. S.Ələsgərovun yaradıcılığında оperetta janrı əsas yer tutur. Onun “Ulduz”, “Özümüz bilərik”, “Olmadı elə, oldu belə” və digər operettaları Azərbaycan Dövlət Musiqili Teatrının səhnəsində bu gün də оynanılır. S.Ələsgərov, həmçinin “Bahadır və Sоna”, “Sоlğun çiçəklər” оperalarının, bir neçə kantatanın, “Gənclik” və “Vətən” simfoniyalarının, “Bayatı-Şiraz” simfоnik muğamının, simfоnik pоema və süitaların, 200-ə qədər mahnı və romansların və s. əsərlərin müəllifidir.

1933-cü ilin 22 fevralında Türkiyənin İstanbul şəhərində məhşur “Vaqon-Li” hadisəsi baş verib. “Vaqon-Li” (Wagons-Lits) Fransa dəmiryolu şirkətinin müdiri telefonda türkcə danışan məmuru Naci Bəyə şirkətin rəsmi dilinin fransız olduğunu bildirərək, pul və işdən 15 günlük uzaqlaşdırma cəzaları verir. Bu vəziyyət dövrün qəzetlərində əks olunduqdan sonra aralarında Peyami Safa, Cahit Arif kimi tanınmış adamların da olduğu Darülfünun ve Milli Türk Tələbə Birliyi gəncləri yığışıb şirkətin Beyoğlundakı şirkət dəftərxanası qarşısında etiraz aksiyaları keçirdilər və olaylar böyüdü. Baş verən hadisələrlə əlaqədar şirkət rəhbərliyi Naci Bəyi yenidən işə qəbul etdi. Bundan sonra bir çox xarici şirkət yerli dövlət dilindən - Türkiyə türkcəsindən istifadə etməyə və "Vətəndaş, türkcə danış!” kampaniyasına başladı. Qeyd edək ki, “Vaqon-Li” (Wagons-Lits) şirkəti Türkiyə Cümhuriyyəti qurulduqan sonra Osmanlı dövründən qalan bir çox xarici şirkət kimi milliləşdirildi və dövlət balansına daxil edildi.

1942-ci ilin 22 fevral tarixindǝ 1920 vǝ 1930-cu illǝrdǝ ǝsǝrlǝri ǝn çox oxunan almaniyalı yazıçı Stefan Sveyq hǝyat yoldaşı Lotte Altmanla Braziliyanın Petropolis şǝhǝrindǝ intihar edib.

1944-cü ilin 22 fevralında Amerika Birləşmiş Ştatlarının döyüş təyyarələri Hollandiyanın (Niderland) Neymeqen (Nijmegen), Arnem (Arnhem), Enshede (Enschede) və Deventer (Deventeri) şəhərlərini səhvən bombaladı. Təkcə Neymeqendə 800 nəfər dünyasını dəyişdi.

Bu gün Türkiyə tarixinə 1962-ci il 22 Fevral Qiyamı (çevriliş cəhdi) olaraq düşüb.Ankarada Ali Hərbi Məktəb komandiri, polkovnik Talat Aydemir və yoldaşları hökumət çevrilişi etmək istədilər, ancaq cəhdetmə yatırıldı. Qiyama qatılan zabitlər təcili təqaüdə çıxarıldı, bəzi yüksək vəzifəli zabitlərin isə yerləri dəyişdirildi. Hökumət söz verdiyi kimi etdi: qiyamçıları bağışladı.

22 fevral 1968-ci ildə Bakıda Şah İsmayıl Xətai metrostansiyasının açılışı olub. Bakı Metropoliteninin ən dərin stansiyasıdır. Buradan qatarlar yalnız Cəfər Cabbarlı stansiyasına hərəkət edir və geri qayıdır. Gələcəkdə Yaşıl xəttin tamamlanması nəticəsində bu stansiya Dərnəgül stansiyasına birləşdiriləcək.

1972-ci ilin 22 fevral tarixindǝ Soyuq Müharibǝ dövründǝ ilk dǝfǝ bir Amerika prezidenti Çinǝ sǝfǝr edib. ABŞ-Çin münasibǝtlǝrinin normallaşması üçün Çinǝ 7 günlük sǝfǝr edǝn Riçard Nikson Pekindǝ keçirdiyi görüşlǝrdǝ Çinin BMT-yǝ qatılması ilǝ bağlı çağırış edib.

1974-cü il 22 fevral tarixində Pakistan özünün keçmiş əyaləti olan Banqladeşin müstəqilliyini tanıdı.

1988-ci il 22 fevral tarixində Əsgəranda ermənilər 2 azərbaycanlı gənci qətlə yetirdilər.

1990-cı ildə Böyük Britaniya hökuməti “Cinayət qurbanlarının xatriyası” adlı sənədi beynəlxalq müzakirəyə çıxardı. BMT-nin himayəsini qazanan bu təşəbbüsə əsasən, fevralın 22-si Cinayət Qurbanlarına Beynəlxalq Dəstək Günü kimi qeyd olunur.

22 fevral Azərbaycanın Xalq artisti, kinoaktyor, memar, rəssam və tanınmış estrada müğənnisi Mirzə Babayevin xatirə günüdür. 1913-cü ildə dünyaya gələn Mirzə Babayev Bakı Sənaye İnstitutunun memarlıq fakültəsini, konservatoriyanın isə vokal şöbəsini – Bülbülün sinfini bitirib, Azərbaycan Dövlət Caz Orkestrinin ilk solistlərindən olub. Azərbaycan bəstəkarlarının 500-dən çox mahnısı onun ifasında populyarlaşıb. 20-dək bədii filmdə müxtəlif rolları məharətlə ifa edib. Mirzə Babayev 2003-cü ilin bu günü 89 yaşında dünyasını dəyişib. (1913-2003)

Azərbaycan prezidentinin 2008-ci il 20 fevral tarixli sərəncamı ilə 22 fevral ölkədə Avtomobil Yol İşçilərinin Peşə Bayramı kimi qeyd edilir. Bu gün Prezident İlham Əliyevin 2008-ci il fevralın 20-də imzaladığı “Azərbaycan Respublikası avtomobil yol işçilərinin peşə bayramının təsis edilməsi haqqında” Sərəncamına əsasən qeyd edilir.

22 fevral 2021-ci ildə Azərbaycan Respublikasının xalq artisti, Yalçın Rzazadə Yalçın Rzazadə vəfat edib. 31 dekabr 1946-cı ildə Lənkəran rayonunda ziyalı ailəsində doğulub. 1963-cü ildə Azərbaycan Dövlət Mədəniyyət və İncəsənət İnstitutuna daxil olmuş və 1967-ci ildə həmin institutun aktyorluq fakültəsini bitirir.1968-ci ildə Üzeyir Hacibəyov adına Azərbaycan Dövlət Konservatoriyasına daxil olmuş və 1973-cü ildə həmin təhsil ocağını bitirib.1979-cu ildə əməkdar artist, 1999-cu ildə xalq artisti adına layiq görülüb. Bununla yanaşı 2 dəfə karate üzre çempionu olub. "Dədə Qorqud", "Gün keçdi", "Qaynana","Bayquş qayıdanda", "Baladadaşın ilk məhəbbəti" kimi filmlərin musiqilərinə Yalçın Rzazadə öz ifası ilə ölməzlik bəxş edib.
Qeyd edək ki, xalq artisti vəfat edənədək Azərbaycan Dövlət Mədəniyyət və İncəsənət Universitetində dərs deyib.

22 fevral 2022-ci ildə “Azərbaycan Respublikası ilə Rusiya Federasiyası arasında müttəfiqlik qarşılıqlı fəaliyyəti haqqında Bəyannamə” imzalanıb. Prezident İlham Əliyev öz növbəsində qeyd edib ki, Bəyannamə iki dövlətin birgə fəaliyyətinin ən mühüm sahələrini əhatə edir və ikitərəfli münasibətlərin gələcəyi üçün böyük əhəmiyyət kəsb edəcək.

2024-cü il 22 fevral tarixində Qarabağ FK tarixində ilk dəfə avrokubokların 1/8 finalına yüksəldi.