1855-ci ilin bu günü II Aleksandr Rusiya çarı kimi fəaliyyətə başlamışdır.
1940-ci ilin bu günü Azərbaycan şairi, ixtisasca tarixçi-etnoqraf olsa da, azərbaycan və talış dillərində yazdığı şeir və poemaları ilə məşhur olan Azərbaycan Yazıçılar Birliyinin üzvü və "Qızıl qələm" mükafatı laureatı Xanəli Şirəli oğlu Ağayev Masallı rayonunun Qızılavar kəndində doğulmuşdur.
1956-cı il 2 mart tarixində Mərakeş Fransadan müstəqillik almışdır.
1992-ci il 2 mart tarixində Azərbaycan Birləşmiş Millətlər Təşkilatına (BMT) üzv qəbul olunub. BMT-nin Nyu-Yorkdakı mənzil-qərargahı qarşısında təşkilatın 181-ci üzvünün - Azərbaycanın dövlət bayrağı qaldırılıb. 2011-ci il oktyabrın 24-də Azərbaycan 155 ölkənin dəstəyini qazanaraq 2 il müddətinə BMT Təhlükəsizlik Şurasına üzv seçilib. Ölkəmiz bu müddətdə Şuraya iki dəfə sədrlik edib. Hazırda BMT-nin 193 üzvü var. Təhlükəsizlik Şurası isə 5 daimi və 10 qeyri-daimi üzvdən ibarətdir.
1995-ci il 2 mart tarixində Azərbaycan Respublikası Burundi ilə diplomatik əlaqələr qurub. Burundi Şərqi Afrikada kiçik dövlətdir. 1962-ci ildə müstəqilliyini elan edib. Ərazisi 27 min 830 kvadratkilometr, əhalisi 8 milyon 856 min nəfərdir.
1995-ci il 2 mart tarixində ABŞ-da Yahoo! şirkəti qurulub. Şirkət Kaliforniyada yerləşir. Baniləri Cerri Yanq və Devid Filodur. Xalis gəliri 1,049 milyard dollar (2011), əməkdaşlarının sayı 12,2 min nəfərdir (2013, dekabr).
2005-ci il 2 mart tarixində "Monitor" jurnalının baş redaktoru Elmar Hüseynov qətlə yetirilmişdir.
2005-ci ilin bu günü tənqidçi, ədəbiyyatşünas, əməkdar ali məktəb işçisi, filologiya elmləri doktoru, professor Əkbər Məmməd oğlu Ağayev 74 yaşında Bakıda vəfat etmişdir.
2018-ci ilin bu günü bəstəkar, Əməkdar İncəsənət Xadimi Tahir Əkbər 72 yaşında vəfat etmişdir.
