322-ci il 7 mart tarixində qədim yunan filosofu, klassik yunan fəlsəfəsinin həmtəsisçisi və Platonun tələbəsi Aristotel vəfat edib.
1573-cü il 7 mart tarixində İvan Fyodorov Lvovda mətbəə yaratdı.
1765-ci il 7 mart tarixində məşhur fransız ixtiraçısı, fotoqrafiyanın yaradıcılarından biri Jozef Nisefor Niyepsi anadan olub. O, 1826-cı ildə «Pəncərədən görünüş» adlandırdığı ilk fotosunu çəkib və beləliklə, dünyada ilk fotonun müəllifi kimi tanınıb.
1814-cü il 7 mart tarixində Napoleon Bonapart Kraon döyüşündə Blyuxerin rəhbərliyindəki rus diviziyaları üzərində qələbə qazandı.
1876-cı il 7 mart tarixində Aleksandr Bell telefonu patentləşdirdi.
1908-ci il 7 mart tarixində Azərbaycan rəssamı Salam Salamzadə anadan olub.
1912-ci il 7 mart tarixində İlk türk qadın diplomatı, akademik və yazıçı Adilə Ayda anadan olub.
1917-ci ilin bu günü musiqi tarixinin ilk caz valı ABŞ-da satışa çıxarılıb.
1926-cı il 7 mart tarixində Azərbaycan xalq şeirinin görkəmli nümayəndələrindən biri olan Aşıq Ələsgər vəfat edib. O, aşıq yaradıcılığının bütün sahələrinə müraciət edib və Azərbaycan ədəbiyyatında böyük iz qoyub. Dodaqdəyməz, müxəmməs, qıfılbənd, təcnis, cığalı təcnis, gəraylı, divani və s. şeir növləri Aşıq Ələsgər yaradıcılığında özünü ən gözəl şəkildə büruzə verməkdədir. 1972-ci ildə Aşıq Ələsgərin anadan olmasının 150 illiyi Azərbaycanın hər yerində böyük təntənə ilə qeyd olunub.
1933-cü il 7 mart tarixində Çarlz Darrou «Monopoliya» oyununu yaratdı.
1941-ci il 7 mart tarixində RSFSR-in Xalq Artisti Andrey Mironov anadan olub. O, martın 7-də anadan olsa da, valideynləri doğum tarixini martın 8-nə yazdıraraq deyiblər: «Andrey 8 mart üçün qadınlara bir hədiyyədir». O, «Brilyant əl», «12 stul», «Avtomobildən qorun», «İtalyanların Rusiyada ağlasığmaz macəraları» filmlərində bir-birindən maraqlı rollar yaradıb.
Azərbaycan futbolu tarixində ən yaxşı məşqçilərdən biri, keçmiş futbolçu, idman ustası Ruslan Abdullayev 7 mart 1944-cü ildə doğulub.
1945-ci il 7 mart tarixində Azərbaycan aktrisası Xuraman Hacıyeva anadan olub.
1954-cü il 7 mart tarixində Türkiyədə Neft biznesini xarici kapitalın üzünə açan Neft Qanunu qəbul edilib. Neft İşləri Ümumi Müdirliyi qurulub.
1967-ci il 7 mart tarixində Sov.İKP MK-nın qərarı ilə SSRİ-də beşgünlük iş həftəsinə keçildi.
1969-cu ilin 7 martında Qolda Meir İsrailin ilk qadın baş naziri olub.
1979-cü il 7 mart tarixində Türkiyə ilə Sovet İttifaqı arasında neft müqaviləsi imzalanıb.
7 mart 1979-cu ildə Amerika Birləşmiş Ştatlarının «Voyager-1» kosmik gəmisi Yupiter və Uran kimi Saturnun da halqalara malik olduğunu kəşf etdi və şəkillərini Yer kürəsinə göndərdi.
7 mart 1984-cü ildə Şimali Kıbrısın bayrağı Şimali Kipr Türk Cümhuriyyəti Məclisi tərəfindən təsdiq olunub.
1986-cı il 7 mart tarixində İstanbul Kandilli Liseyində baş verən yanğında məktəbin yataqxanası kimi istifadə edilən Adilə Sultan Sarayı tamamilə yanıb. Adilə Sultan Sarayı 1876-cı ildə Əbdüləziz tərəfindən tikdirilib.
1989-cu il 7 mart tarixində Salman Rüşdinin «Şeytan ayələri» kitabına görə İran Böyük Britaniya ilə diplomatik əlaqələrini kəsdi.
1990-cı ilin 7 martında Türkiyənin «Hürriyyət» qəzetinin Baş redaktoru, jurnalist və yazıcı Çetin Emeç və sürücüsü Əli Sinan Ercan sui-qəsd nəticəsində öldürülüb.
Bu gün tanınmış jurnalist, elm xadimi və ictimai xadim, Azərbaycan SSR Əməkdar jurnalisti, Azərbaycan SSR Əməkdar mədəniyyət işçisi Nəsir İmanquliyevin anım günüdür. Görkəmli naşir 1998-ci ilin 7 martında dünyasını dəyişib.
2008-ci il 7 mart tarixində Bakıda Müqəddəs Məryəm Ana katolik kilsəsinin rəsmi açılış mərasimi olub. Kilsə Neapol Memarlıq Universitetinin professoru Pado Ruceyro və Bakı şəhərinin baş memarı Akif Abdullayevin layihəsi əsasında inşa edilib.
2012-ci il 7 mart tarixində Milli Onkologiya Mərkəzinin nəzdində regionda birinci olan Uşaq Onkoloji Klinikası fəaliyyətə başlayıb. Hazırda Uşaq Onkoloji Klinikası regionda onkoloji xəstəliklərdən əziyyət çəkən uşaqlara ixtisaslaşmış, yüksək keyfiyyətli tibbi yardım göstərən yeganə tibb müəssisəsidir.
Azərbaycanlı monumentalçı heykəltəraş, Əməkdar incəsənət xadimi Vaqif Nəzirov 2020-ci ilin bu günündə dünyasını dəyişib.
