E.ə. 480-ci ilin bu günü yəhudilərin Babil əsarətindən qurtulmasından sonra arzu edənlərin Qüdsə qayıtmasına icazə verilmişdir.
1010-cu il 8 mart tarixində Əbülqasım Firdovsi Şahnamə əsərini yazıb qurtarır.
1403-cü ilin bu günü Osmanlı sultanı İldırım Bəyazid həyatdan köçüb. Bəyazidin başçılıq etdiyi Osmanlı qoşunları Balkan yarımadası və Anadolu ərazisinin xeyli hissəsini ələ keçirib, səlibçilərin ən güclü ordularını darmadağın edib. Lakin 1402-ci ildə Əmir Teymurla döyüşdə Yıldırım Bəyazid məğlub olub və əsir düşüb. Osmanlı sultanı 1403-cü ilin 8 martında əsirlikdə olarkən 43 yaşında vəfat edib (1360-1403).
1857-ci il 8 mart tarixində ABŞ-ın Nyu-York şəhərində geyim sektorunda çalışan yüzlərlə qadının aşağı maaşa, uzun iş gününə və pis iş şəraitinə etiraz olaraq tətil etməsi qəbul edilir. Lakin polis aksiyanın uzun sürməsinə izin verməyərək nümayişi dağıtdı. 1910-cu ildə 1857-ci il hadisələrdən 52 il sonra Danimarkanın Kopenhagen şəhərində keçirilən Qadın Sosialist İnternasionalının qurultayında qadın hüquqlarının genişləndirilməsi və qadın həmrəyliyinin simvolu olaraq Klara Setkin adlı bir alman sosialist hər il 8 mart gününü Beynəlxaq Qadınlar Günü olmasını təklif etdi və bu təklifi qəbul edildi. Ölkəmizdə dövlət qadın siyasətinin əsasını qoyan ümummilli lider Heydər Əliyev qadın şəxsiyyətinə böyük hörmətlə yanaşırdı. Azərbaycan Respublikası Prezidentinin 14 yanvar 1998-ci il tarixli Fərmanı ilə Qadın Problemləri üzrə Dövlət Komitəsi yaradılmışdır. Komitə fəaliyyət göstərdiyi dövr ərzində bu sahədə mövcud olan problemlərin həlli istiqamətində məqsədyönlü fəaliyyət göstərib. Lakin ailə və uşaq problemlərinin qadın problemləri ilə əlaqəli surətdə kompleks həlli zərurəti vahid dövlət idarəetmə orqanının təşkilini şərtləndirmişdir. Bununla əlaqədar Prezident İlham Əliyevin 6 fevral 2006-cı il tarixli Fərmanı ilə Ailə, Qadın və Uşaq Problemləri üzrə Dövlət Komitəsi yaradılıb.
1906-cı ilin 8 martında ABŞ-da Moro Krateri qətliamı baş verdi. Bu qətliamda Amerikalı əsgərlər Moro kraterində gizlənmiş, aralarında qadın və uşaqların da olduğu 600 müsəlman filippinlini qətl edib.
1910-cu il 8 mart tarixində Fransalı baronessa Eliz De Laroş Fransa aeroklubunda təyyarə ilə imtahan uçuşu keçirib, bununla da, ilk qadın pilot adını və təyyarəni idarə etmək üçün pilot lisenziyasını qazanıb.
1911-ci il 8 mart tarixində həm faciə, həm dram, həm də komediya janrlı tamaşaların mahır ifaçısı Azərbaycanın Xalq Artisti Ağadadaş Qurbanovun (1911-1965) ad günüdür. O, "Səbuhi", "Koroğlu", "Bir qalanın sirri", "Kölgələr sürünür" filmlərinə çəkilib. "Arşın mal alan" filmində Soltan bəy roluna çəkilən aktyor kinolentinin tamamlandığı ərəfədə Salyanda qastrol zamanı eyvanın uçması nəticəsində faciəli şəkildə həlak olmuşdu. A. Qurbanov tanınmış aktyorlar Hamlet və Gülşən Qurbanovların atasıdır.
1942-ci il 8 mart tarixində İkinci dünya müharibəsi: Hollandiya Yava adasında Yaponlara təslim oldu.
1944-cü ilin bu günü yumoristik əsərlərin müəllifi, tanınmış Türkiyə yazıçısı və jurnalisti Hüseyn Rahmi Gürpınar dünyasını dəyişib.
1952-ci il 8 mart tarixində Filadelfiyada ilk süni ürək əməliyyatı aparılıb.
1955-ci il 8 mart tarixində Türkiyənin ilk xərçənglə mübarizə dispanseri açıldı.
1957- ci il 8 mart tarixində Misir Süveyş kanalının yenidən açılışını edib.
1974-cu il 8 mart tarixində Parisin Şarl de Qoll adına Hava Limanı fəaliyyətə başlayıb.
8 mart Azərbaycan yazıçısı və kinossenaristi Həsən Seyidbəylinin xatirə günüdür. 20-dən çox kitabın, o cümlədən, İmran Qasımovla qəhrəman Mehdi Hüseynzadə haqqında yazdığı “Uzaq sahillərdə” romanının həmmüəllifi, “Telefonçu qız”, “Uzaq sahillərdə”, “Nəsimi” və digər məhşur Azərbaycan filmlərinin rejissorudur (1920-1980).
Azərbaycanlı aktyor, Xalq artisti Əliabbas Qədirov 8 mart 2006-cı ildə dünyasını dəyişib.
8 mart 2011-ci ildə Ermənistan Silahlı Qüvvələrinin snayperi tərəfindən 8 yaşlı azərbaycanlı uşaq- Fariz Bədəlov qətlə yetirilib.
2014-cü il 8 mart tarixində Malayziyanın paytaxtı Kuala-Lumpurdan Pekinə uçan və göyərtəsində 227 sərnişin və 12 ekipaj üzvü olan “Malaysia Airlines” aviaşirkətinə məxsus “Boenig 777-200” təyyarəsi yerli vaxtla saat 02:40-da radarların ekranlarından itib. İtən təyyarənin qalıqlarının axtarışı bir neçə gün davam etmiş və qəzanın səbəbləri və yeri ilə bağlı bir neçə versiya irəli sürülmüşdü. Ən müasir texniki vasitələrdən istifadə edilməklə, o cümlədən kosmosdakı peyklər vasitəsi ilə axtarışlar aparılmasına baxmayaraq təyyarənin qalıqlarına belə rast gəlinməyib. Həmin il martın 24-də isə Malayziya Baş naziri Nəcib Rezak “MH370” nömrəli aviareysi yerinə yetirən təyyarənin Hind Okeanına düşdüyünü, hava gəmisində olan şəxslərin hamısının həlak olduğunu açıqlayıb.
