10 mart 1735-ci ildə Səfəvi dövləti və Rusiya arasında Gəncə müqaviləsi bağlanıb. Səfəvi ordusunun komandanı Nadir xan və knyaz Qolitsın tərəfindən imzalanan müqaviləyə görə, rus qoşunları Xəzəryanı Azərbaycan torpaqlarını (Dərbənd, Bakı, Salyan) tərk etməli idilər. Bunun müqabilində Səfəvi dövləti rus tacirlərinə güzəştli ticarət şəraiti yaratmaq, Osmanlı ilə müharibədə Rusiyaya yardım etmək barədə öhdəlik götürmüşdülər.
10 mart 1804-cü ildə Sent-Lüisdə təşkil olunan mərasimdə Luiziananın Fransadan ABŞ-a verilməsi təsdiqləndi.
10 mart 1873-cü ildə Bakı realnı məktəbinin teatr həvəskarları truppası tərəfindən M.F.Axundzadənin "Sərgüzəşti-vəziri-xani Lənkəran" komediyası nümayiş etdirilib. Həmin tamaşa ilə Azərbaycanda milli teatrın əsası qoyulub. Bu işdə Həsən bəy Zərdabi və Nəcəf bəy Vəzirov mühüm rol oynayıb. Milli teatrın inkişafında məşhur xeyriyyəçi-mesenat Hacı Zeynalabdin Tağıyevin böyük xidməti olub. O, Bakı şəhərində ilk teatr binası inşa etdirib. Prezident İlham Əliyevin 2013-cü il 1 mart tarixli Sərəncamı ilə hər il martın 10-u Azərbaycan Respublikasında “Milli Teatr Günü” kimi qeyd edilir.
10 mart 1876-cı ildə Aleksandr Bell ilk telefon zəngini həyata keçirdi.
10 mart 1910-cu ildə Hollivudda çəkilən ilk film – In Old California nümayiş olundu.
10 mart 1915-ci ildə Azərbaycanın ilk balet rəqqasəsi, SSRİ Xalq Artisti Qəmər Almaszadənin doğum günü (1915-2006). Qəmər Almaszadə 1937-ci ildə Azərbaycan Dövlət Filarmoniyasının nəzdində Azərbaycan Dövlət mahnı və rəqs ansamblının əsasını qoyub. "Yeddi gözəl", "Qız qalası", "Qu gölü", "Don Kixot", "Jizel" və digər baletlərə quruluş verib. Fransa, Hindistan və Nepalda çıxışlar edib. 1970-ci ildə Bağdada İraq Xalq Rəqsləri Ansamblını qurmaq üçün dəvət olunub. 1990-cı illərin sonuna qədər Bakı Xoreoqrafiya Məktəbinin direktoru kimi fəaliyyət göstərib.
10 mart 1919-cu ildə Çində köləlik ləğv edilib
10 mart 1920-ci ildə Azərbaycan Qızıl Aypara Cəmiyyəti təsis edilib. Cəmiyyət müsəlman Şərqində ilk demokratik respublika olan Azərbaycan Xalq Cümhuriyyətinin varislərindən sayılır. Cəmiyyətin yaradılmasının təşəbbüskarı general Əliağa Şıxlinski olub. Hazırda Azərbaycan Qızıl Aypara Cəmiyyətinin 300 minədək üzvü var ki, onların da 20 mini könüllülərdir.
10 mart 1940-cı ildə Yaponiyanın paytaxtı Tokio bombardman edilib. Amerika Birləşmiş Ştatlarına məxsus B-29 tipli 344 döyüş təyyarəsi şəhərə napalm bombaları atıb.
10 mart 1945-ci ildə ABŞ hava qüvvələri tərəfindən Tokionun bombalanması 100 mindən artıq mülki şəxsin ölümünə səbəb oldu.
10 mart 1948-ci ildə SSRİ Nazirlər Soveti Ermənistandakı azərbaycanlı əhalinin Azərbaycana deportasiyası haqqında ikinci qərar qəbul edib. Bununla bağlı ilk qərar 1947-ci il dekabrın 23-də verilmişdi. Qərara görə, azərbaycanlı kolxozçuların boşaltdığı ərazilərə xaricdən ermənilər köçürülməli idilər. Azərbaycanın rəhbəri M.Bağırovun Stalinə müraciətindən sonra qərarın sərt şərtləri qismən yumşaldılmışdı. Qərarların təşəbbüskarı SSRİ Nazirlər Soveti sədrinin müavini A.Mikoyan idi.
10 mart 1977-ci ildə astronomlar Uranın ətrafında halqaların olduğunu müəyyən etdilər.
10 mart 2004-cü ildə Bakı Beynəlxalq Aeroportunun adı dəyişdirilərək Heydər Əliyev Beynəlxalq Aeroportu adlandırılıb.
10 mart 2006-cı ildə Beynəlxalq Böyrək Fondunun və Amerika Nefroloji Assosiasiyasının təşəbbüsü ilə Dünya Böyrək Günü təsis olunub. Bu gün hər il mart ayının ikinci cümə axşamı qeyd olunur. Builki Dünya Böyrək Günü "Uşaqlar və böyrək xəstəlikləri. Böyrək xəstəliklərinin yayılma dərəcəsini azaltmaq üçün tez hərəkətə keçin" devizi altında keçirilir.
10 mart 2007-ci ildə Bakıda Türkiyə səfirliyinin yeni binası açılıb.
10 mart 2014-cü ildə Bakıda I Milli Vikipediya Forumu keçirildi.
