624-cü ildə bütpərəst məkkəlilərin ziyarətə gələn müsəlmanları zorla şəhərdən çıxarmaları və onların mallarını qarət etmələri nəticəsində müsəlmanlar və inancsız məkkəlilər arasında Bədr Müharibəsi baş verdi. Mədinənin 160 kilometr cənub-qərbindəki su quyuları ətrafında gedən savaşda 305 adamdan ibarət olan müsəlman döyüşçü təxminən 1000 nəfərlik düşmən ordunu məhv etdi və 13 martda müharibəni qazandılar.
Sultan Süleyman Qanuninin əmrindəki Osmanlı ordusu 1552-ci ilin 13 mart tarixində paytaxt Belgradı ələ keçirərək Macarıstanı aldı.
1639-cu il 13 mart tarixində ABŞ-da Kembric kolleci Harvard adlandırıldı.
1733-cü il 13 mart Britaniyalı kimyaçı, qazlı içkiləri kəşf edən Cozef Pristli anadan olub (1733-1804). C.Pristli fotosintez prosesini öyrənib, “şənləndirici” qaz və oksigeni kəşf edib. Bu ixtiraya görə alimə Kral Cəmiyyətinin medalı təqdim olunub.
13 mart 1781-ci ildə Vilyam Herşel Uran planetini kəşf edib. Digər nəhəng planetlər kimi Uranın halqa sistemi, maqnitosferi və çoxlu sayda peyki vardır. Uran sisteminin digər planetlərdən fərqləndirən özünəməxsus konfiqurasiyası var.Uran yeganə planetdir ki, adı birbaşa, yunan mifologiyasındakı yunan səma tanrısının latın versiyası olan Uranusdan gəlir.
1840-cı ilin 13 martından başlayaraq 30 il ərzində (1870) Osmanlı imperiyasında Hicri təqvimi ilə yanaşı Rumi təqvimi də işlədilməyə başlandı.
13 mart 1869-cu ildə Rus kimyaçısı Dmitri Mendeleyev kimyəvi elementlərin qruplaşdırılmasını tamamladı.
1885-ci il 13 mart tarixində Memar Lev Vladimiroviç Rudnevin doğum günü (1885-1956). Bakıdakı Hökumət Evi onun layihəsi əsasında tikilib. Binanın inşasına 1934-cü ildə başlanılıb. İkinci Dünya Müharibəsi ilə əlaqədar tikinti dayandırılıb. İnşaat işləri yalnız müharibədən sonra davam etdirilib və 1952-ci ildə başa çatdırılıb. Rusiyalı memarın məşhur işləri arasında Moskva Dövlət Universitetinin əsas binası və Varşavadakı Mədəniyyət və Elm Mərkəzi də var.
Sovet dövrünün məhşur pedaqoqu və yazıçısı Anton Makarenko 1888-ci ilin 13 martında anadan olub.
13 mart 1909-cu ildə "Zənbur" jurnalı ilk dəfə nəşr olunub. "Zənbur" Bakıda nəşr olunan həftəlik ədəbi, ictimai satirik jurnal idi. Jurnal "Molla Nəsrəddin" jurnalının satira ənənələrindən bəhrələnirdi. "Zənbur"un sahibi və naşiri həkim, yazıçı, ictimai xadim Mirzə Əbdülxalıq Axundov, birinci ildə 21-ci nömrəyədək məsul müdiri isə Rza bəy Səlimxanov olub.. Jurnala ilin yarısında 22-ci nömrədən sonra Əzim Əzimzadə müdirlik edib.
1913-cü il 13 mart tarixində görkəmli hərbi xadim, çar ordusunun polkovniki Əbülfət Şahtaxtinski vəfat edib (1858-1913). Çar Rusiyasının, İranın, Fransanın bir sıra orden və medalları ilə təltif olunan Ə.Şahtaxtinski ədəbi və maarifçilik sahəsində də fəaliyyət göstərib. Şərq dilləri ilə yanaşı, alman, fransız və ingilis dillərini də mükəmməl bilən Ə.Şahtaxtinski Hötenin “Gənc Verterin iztirabları” əsərini almancadan Azərbaycan dilinə tərcümə edib. Moskvada və Peterburqda təhsil alan qafqazlı tələbələrin yaratdıqları "İmdadiyyə" adlı gizli dərnəyin fəal üzvü olub.
1921-ci il 13 mart tarixində Monqolustan Çindən ayrılaraq müstəqilliyini elan edib.
1927-ci il 13 mart tarixi Xalq Artisti Nodar Şaşıqoğlunun doğum günüdür (1927-2013). “Uzaq sahillərdə” filmindəki Mehdi Hüseynzadə (Mixaylo) obrazı ilə məşhurlaşıb. Aktyor daha sonra “Əsl dost”, “Matteo Falkone”, “Onun böyük ürəyi”, “Bizim küçə”, “Leyli və Məcnun” və digər filmlərə çəkilib. Batumidə dünyaya gələn aktyor Bakıda vəfat edib.
1930-cu il 13 mart tarixində ABŞ astronomu Klod Tombo Günəş sisteminin doqquzuncu planetini kəşf etdiyini elan etdi. Sonradan bu planet Pluton adını aldı.
Sevilən xanəndə Rövşən Behcət 13 mart 1945-ci ildə dünyaya göz açıb.
1954-cü il 13 mart tarixində SSRİ Dövlət Təhlükəsizliyi Komitəsi (KQB) yaradılıb. Qurum fəaliyyətini SSRİ-nin süqutu ilə əlaqədar 1991-ci il dekabrın 3-də dayandırıb. Əsas varisləri Rusiya Federal Təhlükəsizlik Xidməti və Dövlət Kəşfiyyat İdarəsi hesab olunur.
Azərbaycan aktyoru və rejissoru, bədii qiraət ustası, pedaqoq, Əməkdar artist Həsən Əbluc 13 mart 1994-cü ildə vəfat edib.
2013-cü il 13 martda argentinalı kardinal Xorqe Mario Berqolio katolik dünyasının 266-cı Papası seçildi. Berqolio 1000 illik Avropa tarixində xaricdən seçilən və Latın Amerikasından olan ilk Papa sayılır.
13 mart 2022-ci ildə Azərbaycan alimi, filoloq Əjdər İsmayılov vəfat edib. Əjdər İsmayılov 23 aprel 1938-ci ildə Naxçıvan Muxtar Respublikasının Şərur rayonunun Çomaxtur kəndində anadan olub. O, 1961-ci ildə Azərbaycan Dövlət Universitetinin filologiya fakültəsini bitirib. 1963–1965-ci illərdə Azərbaycan Teatr İnstitutunun rejisorluq fakültəsində oxumuş, rejisor Mehdi Məmmədovun və aktyor Rza Təhmasibin tələbəsi olmuşdur. 1961–1977-ci illərdə Çomaxtur kəndində müəllim, məktəb direktoru, daxili işlər nazirliyinin, "Şərq qapısı" qəzetinin əməkdaşı, 1977–1994-cü illərdə Naxçıvan Dövlət Universitetinin ədəbiyyat kafedrasında müəllim, baş müəllim, dosent və professor olmuşdur. Əjdər İsmayılov 13 mart 2022-ci ildə Bakı şəhərində vəfat etmişdir.
