Həsən Əbluc 1942-ci il aprelin 22-də Təbriz şəhərində anadan olub. Cənubi Azərbaycanda demokratik hərəkat süquta uğrayandan sonra ailəsi Bakıya köçüb. Həsən Əbluc hələ uşaq vaxtlarından aktyorluğa böyük həvəs göstərib. Orta məktəbi bitirdikdən sonra o, Azərbaycan Dövlət Politexnik İnstitutuna (indiki Texniki Universitet) daxil olub. Birinci kursdan sonra sənədlərini M.Əliyev adına Azərbaycan Dövlət Teatr İnstitutunun aktyorluq fakültəsinə verib. Elə həmin il Azərbaycan Dövlət Dram Teatrında rumın yazıçı Sebastyanın “Adsız ulduz” tamaşasına quruluş verib.
Vaxtilə Moskvada Ümumittifaq Dövlət Kinematoqrafiya İnstitutunda Azərbaycan qrupu yaradılmışdı. Məşhur aktyor, rejissor Yevgeni Motveyev həmin qrupun rəhbəri idi. Ayda bir həftə səhnə danışığından dərs demək üçün Həsən Əblucu Moskvaya dəvət edirdilər.
Həsən Əbluc gözəl, ecazkar, cəlbedici, inandırıcı səsi ilə qəlbi sözə bağlı olanların sevimlisinə çevrilmişdi. O, radio tamaşalarında da saysız-hesabsız baş rollarda oynayıb. Filmlərin dublyajında bütün rejissorlar baş rolları səsləndirməyi H.Əbluca həvalə ediblər. Çünki o, dublyajda da öz möhürünü vurub.
Həm müəllim, həm rejissor, həm də aktyor olan Həsən Əbluc, eyni zamanda biri-birindən maraqlı hekayələr, dram əsərləri yazıb.
Azərbaycanın Əməkdar artisti Həsən Əblucun rejissor kimi sonuncu işi Azərbaycan Dövlət Akademik Milli Dram Teatrının səhnəsində quruluş verdiyi Cəlil Məmmədquluzadənin “Anamın kitabı” əsəri idi. Rejissor tamaşanı Novruz bayramına kimi təhvil vermək istəyirdi və buna görə gecə-gündüz çalışırdı. Lakin 1994-cü ilin martın 13-də tamaşanın məşqi zamanı ürəktutması nəticəsində halı pisləşib və hüşünü itirən Həsən Əbluc xəstəxanada dünyasını dəyişib. Tamaşa üzərində işi isə qardaşı, kinorejissor Ənvər Əbluc yekunlaşdırıb.
Aprelin 28-də tamaşanın premyerası Azərbaycan Dövlət Gənc Tamaşaçılar Teatrının səhnəsində böyük müvəffəqiyyətlə keçib. Teatr tənqidçiləri əsərin rejissor həllini və aktyor oyununu, eyni zamanda aktyorlara daxili potensialını açmağa imkan verən dəqiq kompozisiya quruluşunu yüksək qiymətləndiriblər. Rejissor ölümündən sonra “Anamın kitabı” tamaşasında “Ən yaxşı rejissor işinə görə” mükafatına layiq görülüb.
O, cəmi 52 il yaşayıb. Bu işıqlı dünyadan ömrünün kamilliyə yenicə çatdığı bir vaxtda ayrılan Həsən Əbluc yaddaşlarda da öz kamil və ləngərli səsi ilə elə bu yaşda qalıb. Onu səsinin yaşı ilə ömrünün yaşı bəlkə də üst-üstə düşür. Azı ona görə ki, belə qiraət ustasının səsi heç vaxt qocala, titrəyə, öz təravətini itirə bilməzdi...
Sənətkarın qardaşı kinorejissor Ənvər Əbluc оnun haqqında “Həsən Əbluc” filmini lentə alıb. Bu Həsən Əbluca bir qardaş sevgisi ilə yanaşı, həm də bir tamaşaçı aşiqliyindən irəli gəlib.
Həsən Əbluc 13 mart 1994-cü ildə vəfat edib.
Vaxtilə Moskvada Ümumittifaq Dövlət Kinematoqrafiya İnstitutunda Azərbaycan qrupu yaradılmışdı. Məşhur aktyor, rejissor Yevgeni Motveyev həmin qrupun rəhbəri idi. Ayda bir həftə səhnə danışığından dərs demək üçün Həsən Əblucu Moskvaya dəvət edirdilər.
Həsən Əbluc gözəl, ecazkar, cəlbedici, inandırıcı səsi ilə qəlbi sözə bağlı olanların sevimlisinə çevrilmişdi. O, radio tamaşalarında da saysız-hesabsız baş rollarda oynayıb. Filmlərin dublyajında bütün rejissorlar baş rolları səsləndirməyi H.Əbluca həvalə ediblər. Çünki o, dublyajda da öz möhürünü vurub.
Həm müəllim, həm rejissor, həm də aktyor olan Həsən Əbluc, eyni zamanda biri-birindən maraqlı hekayələr, dram əsərləri yazıb.
Azərbaycanın Əməkdar artisti Həsən Əblucun rejissor kimi sonuncu işi Azərbaycan Dövlət Akademik Milli Dram Teatrının səhnəsində quruluş verdiyi Cəlil Məmmədquluzadənin “Anamın kitabı” əsəri idi. Rejissor tamaşanı Novruz bayramına kimi təhvil vermək istəyirdi və buna görə gecə-gündüz çalışırdı. Lakin 1994-cü ilin martın 13-də tamaşanın məşqi zamanı ürəktutması nəticəsində halı pisləşib və hüşünü itirən Həsən Əbluc xəstəxanada dünyasını dəyişib. Tamaşa üzərində işi isə qardaşı, kinorejissor Ənvər Əbluc yekunlaşdırıb.
Aprelin 28-də tamaşanın premyerası Azərbaycan Dövlət Gənc Tamaşaçılar Teatrının səhnəsində böyük müvəffəqiyyətlə keçib. Teatr tənqidçiləri əsərin rejissor həllini və aktyor oyununu, eyni zamanda aktyorlara daxili potensialını açmağa imkan verən dəqiq kompozisiya quruluşunu yüksək qiymətləndiriblər. Rejissor ölümündən sonra “Anamın kitabı” tamaşasında “Ən yaxşı rejissor işinə görə” mükafatına layiq görülüb.
O, cəmi 52 il yaşayıb. Bu işıqlı dünyadan ömrünün kamilliyə yenicə çatdığı bir vaxtda ayrılan Həsən Əbluc yaddaşlarda da öz kamil və ləngərli səsi ilə elə bu yaşda qalıb. Onu səsinin yaşı ilə ömrünün yaşı bəlkə də üst-üstə düşür. Azı ona görə ki, belə qiraət ustasının səsi heç vaxt qocala, titrəyə, öz təravətini itirə bilməzdi...
Sənətkarın qardaşı kinorejissor Ənvər Əbluc оnun haqqında “Həsən Əbluc” filmini lentə alıb. Bu Həsən Əbluca bir qardaş sevgisi ilə yanaşı, həm də bir tamaşaçı aşiqliyindən irəli gəlib.
Həsən Əbluc 13 mart 1994-cü ildə vəfat edib.
