Şərqdə Ərəstun kimi tanınan qədim yunan filosofu və alimi Aristotel eramızdan əvvəl 384-cü ilin bu günü dünyaya gəlib.

1320-ci il aprelin 6-da şotland baronları Arbrot şəhərində kral Robert Bryusun rəhbərliyilə Roma Parası II İohana yazdıqları məktubda öz ölkələrinin iqtiqlaliyyətini elan etdilər.

6 aprel 1326-cı ildə Osmanlı dövlətinin ikinci padşahı Orxan Qazi Bursanı fəth etdi.

1453-cü ilin bu günündə Osmanlı imperatoru Sultan II Mehmet Bizans imperiyasının paytaxtı Konstantinopolu mühasirəyə alıb. 53 gün sürən mühasirədən sonra 1453-cü il mayın 29-da Konstantinopol fəth edilib və İstanbul adlandırılaraq Osmanlı imperiyasının paytaxtı elan olunub.

6 aprel Qərb intibah dövrünün dahi rəssamı Rafael Santinin doğum və ölüm günüdür - 1483 - 1520.

1620-ci ilin bu günündən Səfəvi dövləti ilə Rusiya arasında ticarət əlaqələri yarandı. Həmin dövrdən Azərbaycan və İranın tərkibində olan bölgələrdən paytaxt Moskva və Rusiyanın digər şəhərlərinə xalça, meyvə qurusu, neft, duz, zəfəran, düyü və boyaq maddələri ixrac edilməyə başladı.

1814-cü il 6 aprel tarixində Fransa imperatoru Napoleon Bonapart (I Napoleon) taxt-tacdan əl çəkməsi barədə qərara imza atıb. Fransa ilə müharibə edən müttəfiq ölkələrin birgə qərarına əsasən, Napoleon Aralıq dənizindəki Elba adasına sürgünə göndərilib.

Tarixin ilk müasir olimpiya oyunları 6 aprel 1896-cı ildə Yunanıstanın paytaxtı Afinada başladı. 15 ölkədən 245 idmançının iştirak etdiyi yarış dövrün ən yüksək idman tədbiri sayıldı.

6 aprel Beynəlxalq Cizgi Filmləri Günüdür. 1906-cı ilin aprelin 6-da Con Stuart Blekton və Albert Smit Amerikanın kinoteatr birliyi ilə Vitage təsisçiləri ilk cizgi filmləri “Gülməli üzlərin gülməli mərhələləri” adlı film çəkmişdir. Bunlar animasiya tarixində ilk cizgi filmləri idi. Dünya Cizgi Film Gününü qeyd etmək fikri yalnız 2002-ci ildə yaranmışdır və həmin gündən dünyanın bir çox ölkələrində qeyd olunur. Beynəlxalq Cizgi Filmləri Günü öncəsi dünyanın hər yerindən animasiya kinosu peşəkarları və həvəskarları öz filmlərinin proqramlarını bir-birləri ilə bölüşür və bu hadisəni bütün il gözləyən tamaşaçılar üçün əsərlərinin ilk nümayişini göstərirlər. Cizgi filmlərinin belə seansları artıq dünyanın 104 ölkəsində keçirilir.

6 aprel 1909-cu ildə amerikalı tədqiqatçılar - Robert Piri köməkçisi Metyu Henson və dörd nəfər Şimal Qütbünə ayaq basan ilk insanlar olaraq tarixə düşdü.

1917-ci ilin 6 aprelində Amerika Birləşmiş Ştatları Almaniyaya müharibə elan edərək Antanta dövlətlərinin tərəfində Birinci Dünya Müharibəsinə rəsmən girdiyini bəyan etdi.

6 aprel 1920-ci ildə Təbrizdə Şeyx Məhəmməd Xiyabaninin başçılığı ilə silahlı üsyan başlayıb. Bu üsyan əvvəlcə böyük uğur qazandı, hətta iyunun 24-də Cənubi Azərbaycan ərazisində Azadistan adlı milli hökumət təşkil edildi. Lakin həmin ilin sentyabrında şah qoşunları Təbrizə hücum edərək üsyanı qan içində boğdu, Xiyabani isə edam olundu.

1920-ci ilin 6 apreli Türkiyə beynəlxalq informasiya agentliyi olan “Anadolu Ajansı”nın yaradıldığı gündür.

Azərbaycan kinorejissoru, kinodramaturq, nasir, əməkdar incəsənət xadimi, professor, Xalq artisti Tofiq İsmayılov 6 aprel 1939-cu ildə anadan olub.

1994-cü il 6 aprel tarixində Ruanda səmasında Ruanda və Burundi prezidentlərini aparan təyyarənin raketlə vurulması nəticəsində təyyarədəki 10 nəfərin hamısı həlak oldu.

Azərbaycan teatr və kino aktrisası, əməkdar artist Ətayə Əliyeva 1995-ci ilin bu günündə vəfat edib.

1998-ci il 6 aprel tarixində Rusiyanın Riqadakı səfirliyində partlayış baş vermişdir.

6 Aprel Ümumdünya Fiziki Aktivlik Günüdür. 2002-ci ildən başlayaraq hər il Aprelin 6-da Ümumdünya Fiziki Aktivlik Günü qeyd edilir. Fiziki aktivlik əzələlər vasitəsilə yerinə yetirilən və enerji sərf olunan hər hansı bədən hərəkətidir. Fiziki hərəkətsizlik xroniki xəstəliklərin yaranmasının risk amilidir və dünyada ildə 2 milyondan çox insanın ölümünə səbəb olur.

Azərbaycan bəstəkarı, Xalq artisti, BMA-nın professoru Nəriman Məmmədov 6 aprel 2015-ci ildə dünyasını dəyişib.