Qərb siyasi dairələrinin və qeyri-hökumət təşkilatlarının məqsədi vətəndaş etirazları vasitəsilə Gürcüstanda hökuməti daim təzyiq altında saxlamaq, sabitliyin kövrək qalmasına nail olmaqdır. Bütün bunlar isə Gürcüstan dövlətinin maraqları ilə uzlaşa bilməz. Çünki Qərbin xüsusi xidmət orqanları belə vəziyyətdən istifadə edərək Gürcüstan vasitəsilə Cənubi Qafqazda gərginlik yaratmaq istəyirlər. Gürcüstan ərazisindən hər hansı üçüncü dövlətə qarşı edilən hərəkətlər və həyata fəaliyyət region ölkələrinin maraqlarına qətiyyən cavab vermir.
Bu sözləri Gürcüstanda son günlər yaranan vəziyyəti şərh edən siyasi şərhçi Vüqar Əhmədov söyləyib.
O bildirib ki, Qərb əsas alət kimi Gürcüstandakı müxtəlif qeyri-hökumət təşkilatlarının (QHT) fəaliyyətindən istifadə edir. “Son illər Gürcüstanda hökumətin qeyri-hökumət sektorunun milliləşdirilməsi, dövlət büdcəsindən ölkənin yerli QHT-lərinə ayrılacaq vəsaitin xarici maliyyələşmələri üstələməsi ilə bağlı açıqlamalar bu gün Gürcüstanın vətəndaş cəmiyyətinin xarici təsirlərdən uzaq olmalı, ölkənin milli maraqlarından çıxış etməli olduqlarını diktə edir. Əslində, qonşu dövlətin aidiyyəti sahəsində görülən tədbirlər, xarici agentlər haqqında yeni qanunun qəbul edilməsi qeyri-dövlət sektorunda aparılan islahatların və şəffaflaşmanın tərkib hissəsidir”, - deyə o vurğulayıb.
Siyasi şərhçi hesab edir ki, xüsusilə seçkilər ərəfəsində Qərb fondlarının və QHT-lərin ciddi şəkildə fəallaşmasında, seçkilər, insan haqları və demokratiya mövzularının təbliğinə böyük məbləğdə qrantların ayrılmasında məqsəd Gürcüstanın siyasi proseslərinə təsir göstərmək, onlara loyal qüvvələrin hakimiyyətə gətirilməsinə nail olmaqdır. Qərb siyasi dairələri bu istiqamətdə davamlı şəkildə fəaliyyət göstərib və Gürcüstanda bu sahəyə milyonlarla ABŞ dolları qrant vəsaitləri sərf olunub.
“Son dövrlər Gürcüstan hökuməti tərəfindən bu sahədə aparılan mütərəqqi islahatlar, yerli QHT-lərin daha da gücləndirilməsi və institusional inkişafına dəstək deməyə imkan verir ki, əvvəlki dövrlə müqayisədə yerli qeyri-hökumət təşkilatları ölkənin siyasi həyatında fəal rol almaqla yanaşı, ölkənin milli maraqlarından çıxış edəcək, Gürcüstanın bundan sonra da sabit inkişafına öz töhfələrini verəcəklər. Sabit, müstəqil, kənar təsirlərdən uzaq, inkişaf edən Gürcüstan həm də ümumqafqaz evinin formalaşması üçün mühüm amildir”, - deyən Vüqar Əhmədov əlavə edib ki, Qərb fondları və donorları Gürcüstanda qalmağa çalışmaqla Cənubi Qafqazda mövcudluqlarını qorumağa çalışırlar.
“Məlumdur ki, uzun illərdir Qərb fondları regional nümayəndəliklərinin əsas mərkəzini məhz Tbilisi olaraq seçiblər. Qərb fondları və təsisatları Gürcüstanda təşəkkül tapmış və burada bir çox regional proseslərə təsir ediblər. Etiraf etmək lazımdır ki, onilliklər boyunca Qərbdən maliyyələşən qeyri-hökumət təşkilatlarının Gürcüstan hökumətinə və onun siyasi qərarlarına ciddi təsiri olub. Tbilisi isə məxməri inqilabların ünvanına çevrilmişdi. Məqsəd bu inqilabları digər regionlara ixrac etmək və oraların transformasiyasına nail olmaq idi”, - deyən siyasi şərhçi diqqətə çatdırıb ki, Gürcüstanın siyasi həyatında ciddi dəyişikliklərə diqqət çəkərək deyib ki, indi orada daha sabit siyasi vəziyyət formalaşıb. Gürcüstanda mərkəzi hakimiyyət güclənir və Qərbdən asılılığı azaldır. Eyni zamanda, Qərbdən gələ biləcək müxtəlif ideoloji cərəyanların qarşısı qətiyyətlə alınır, daha çox milli maraqlara və ənənələrə uyğun dövlət idarəçiliyi formalaşır. Məhz son illər bu trend nəticəsində Qərbin ayrı-ayrı mərkəzlərinin inqilablar və küçə etirazları vasitəsilə sabitliyi pozmaq cəhdlərinin qarşısı alınıb. Gürcüstan hökumətinin rəsmi açıqlamalarına görə, Amerika Birləşmiş Ştatlarının dəstəklədiyi qüvvələrin ölkədə hakimiyyət çevrilişi cəhdinin qarşısı bir neçə dəfə uğurla alınıb.
Bu sözləri Gürcüstanda son günlər yaranan vəziyyəti şərh edən siyasi şərhçi Vüqar Əhmədov söyləyib.
O bildirib ki, Qərb əsas alət kimi Gürcüstandakı müxtəlif qeyri-hökumət təşkilatlarının (QHT) fəaliyyətindən istifadə edir. “Son illər Gürcüstanda hökumətin qeyri-hökumət sektorunun milliləşdirilməsi, dövlət büdcəsindən ölkənin yerli QHT-lərinə ayrılacaq vəsaitin xarici maliyyələşmələri üstələməsi ilə bağlı açıqlamalar bu gün Gürcüstanın vətəndaş cəmiyyətinin xarici təsirlərdən uzaq olmalı, ölkənin milli maraqlarından çıxış etməli olduqlarını diktə edir. Əslində, qonşu dövlətin aidiyyəti sahəsində görülən tədbirlər, xarici agentlər haqqında yeni qanunun qəbul edilməsi qeyri-dövlət sektorunda aparılan islahatların və şəffaflaşmanın tərkib hissəsidir”, - deyə o vurğulayıb.
Siyasi şərhçi hesab edir ki, xüsusilə seçkilər ərəfəsində Qərb fondlarının və QHT-lərin ciddi şəkildə fəallaşmasında, seçkilər, insan haqları və demokratiya mövzularının təbliğinə böyük məbləğdə qrantların ayrılmasında məqsəd Gürcüstanın siyasi proseslərinə təsir göstərmək, onlara loyal qüvvələrin hakimiyyətə gətirilməsinə nail olmaqdır. Qərb siyasi dairələri bu istiqamətdə davamlı şəkildə fəaliyyət göstərib və Gürcüstanda bu sahəyə milyonlarla ABŞ dolları qrant vəsaitləri sərf olunub.
“Son dövrlər Gürcüstan hökuməti tərəfindən bu sahədə aparılan mütərəqqi islahatlar, yerli QHT-lərin daha da gücləndirilməsi və institusional inkişafına dəstək deməyə imkan verir ki, əvvəlki dövrlə müqayisədə yerli qeyri-hökumət təşkilatları ölkənin siyasi həyatında fəal rol almaqla yanaşı, ölkənin milli maraqlarından çıxış edəcək, Gürcüstanın bundan sonra da sabit inkişafına öz töhfələrini verəcəklər. Sabit, müstəqil, kənar təsirlərdən uzaq, inkişaf edən Gürcüstan həm də ümumqafqaz evinin formalaşması üçün mühüm amildir”, - deyən Vüqar Əhmədov əlavə edib ki, Qərb fondları və donorları Gürcüstanda qalmağa çalışmaqla Cənubi Qafqazda mövcudluqlarını qorumağa çalışırlar.
“Məlumdur ki, uzun illərdir Qərb fondları regional nümayəndəliklərinin əsas mərkəzini məhz Tbilisi olaraq seçiblər. Qərb fondları və təsisatları Gürcüstanda təşəkkül tapmış və burada bir çox regional proseslərə təsir ediblər. Etiraf etmək lazımdır ki, onilliklər boyunca Qərbdən maliyyələşən qeyri-hökumət təşkilatlarının Gürcüstan hökumətinə və onun siyasi qərarlarına ciddi təsiri olub. Tbilisi isə məxməri inqilabların ünvanına çevrilmişdi. Məqsəd bu inqilabları digər regionlara ixrac etmək və oraların transformasiyasına nail olmaq idi”, - deyən siyasi şərhçi diqqətə çatdırıb ki, Gürcüstanın siyasi həyatında ciddi dəyişikliklərə diqqət çəkərək deyib ki, indi orada daha sabit siyasi vəziyyət formalaşıb. Gürcüstanda mərkəzi hakimiyyət güclənir və Qərbdən asılılığı azaldır. Eyni zamanda, Qərbdən gələ biləcək müxtəlif ideoloji cərəyanların qarşısı qətiyyətlə alınır, daha çox milli maraqlara və ənənələrə uyğun dövlət idarəçiliyi formalaşır. Məhz son illər bu trend nəticəsində Qərbin ayrı-ayrı mərkəzlərinin inqilablar və küçə etirazları vasitəsilə sabitliyi pozmaq cəhdlərinin qarşısı alınıb. Gürcüstan hökumətinin rəsmi açıqlamalarına görə, Amerika Birləşmiş Ştatlarının dəstəklədiyi qüvvələrin ölkədə hakimiyyət çevrilişi cəhdinin qarşısı bir neçə dəfə uğurla alınıb.
