Azərbaycan Respublikası Elm və Təhsil Nazirliyinin Molekulyar Biologiya və Biotexnologiyalar İnstitutu (MBBİ) ilə Almaniyanın Maks Plank Təkamül Antropologiyası İnstitutu arasında elmi əməkdaşlıq barədə memorandum imzalanıb.
Memorandumu MBBİ-nin direktoru akademik İradə Hüseynova və Maks Plank Təkamül Antropologiyası İnstitutunun icraçı direktoru professor Johannes Kraus imzalayıblar.
Memorandumun şərtlərinə görə, bu qurumlar arasında elmi əməkdaşlıq əlaqələri ilkin mərhələdə 5 il müddətinə nəzərdə tutulur. Ehtiyac yaranasa, bu müddət daha 2 il uzadılacaq. Memorandumda əsasən paleogenetika, arxeologiya, DNT/RNT sekvensi, bioinformatika və digər biomolekulyar metodların mənimsənilməsi sahəsində treninqlərin, həmçinin birgə elmi-tədqiqat layihələrinin həyata keçirilməsini əhatə edən hərtərəfli akademik əməkdaşlıq nəzərdə tutulub. Birgə tədqiqat layihələri Azərbaycanın arxeoloji abidələrindən əldə olunan bioloji nümunələrin tarixi, təkamülü və bioloji əhəmiyyətinin araşdırılmasına yönəldiləcək. Bundan başqa, tərəflər arasında təcrübə mübadiləsini təmin etmək məqsədilə birgə layihələrin həyata keçirilməsi prosesində nümunələrin toplanması və laborator işlərə cəlb edilməsi, həmçinin hər iki tərəfdən uyğun mütəxəssislərin vaxtaşırı mühazirələrinin təşkili məsələsi memorandumun şərtləri sırasına daxildir. Memorandumda tərəflərin hüquq və vəzifələri, məsuliyyətləri, intellektual mülkiyyətin qorunması, əldə olunan nəticələrin konfidensiallığının müəyyən şərtlər daxilində, müəyyən vaxta qədər qorunması və s. kimi məsələlər də yer alıb.
Qeyd edək ki, MBBİ-nin Molekulyar biologiya ixtisası üzrə dissertantı, Populyasiya genomiksi laboratoriyasının elmi işçisi Zərintac Rüstəmova 2022-ci və 2023-cü illərdə Maks Plank Təkamül Antropologiyası İnstitutunda elmi ezamiyyədə olub. Həmin instituta nəsli kəsilmiş homininlərin genomları və insan təkamülü ilə bağlı kəşflərinə görə 2022-ci ildə fiziologiya və tibb sahəsində Nobel mükafatı almiş professor Paabo Svante rəhbərlik edir.
www.science.gov.az
Memorandumu MBBİ-nin direktoru akademik İradə Hüseynova və Maks Plank Təkamül Antropologiyası İnstitutunun icraçı direktoru professor Johannes Kraus imzalayıblar.
Memorandumun şərtlərinə görə, bu qurumlar arasında elmi əməkdaşlıq əlaqələri ilkin mərhələdə 5 il müddətinə nəzərdə tutulur. Ehtiyac yaranasa, bu müddət daha 2 il uzadılacaq. Memorandumda əsasən paleogenetika, arxeologiya, DNT/RNT sekvensi, bioinformatika və digər biomolekulyar metodların mənimsənilməsi sahəsində treninqlərin, həmçinin birgə elmi-tədqiqat layihələrinin həyata keçirilməsini əhatə edən hərtərəfli akademik əməkdaşlıq nəzərdə tutulub. Birgə tədqiqat layihələri Azərbaycanın arxeoloji abidələrindən əldə olunan bioloji nümunələrin tarixi, təkamülü və bioloji əhəmiyyətinin araşdırılmasına yönəldiləcək. Bundan başqa, tərəflər arasında təcrübə mübadiləsini təmin etmək məqsədilə birgə layihələrin həyata keçirilməsi prosesində nümunələrin toplanması və laborator işlərə cəlb edilməsi, həmçinin hər iki tərəfdən uyğun mütəxəssislərin vaxtaşırı mühazirələrinin təşkili məsələsi memorandumun şərtləri sırasına daxildir. Memorandumda tərəflərin hüquq və vəzifələri, məsuliyyətləri, intellektual mülkiyyətin qorunması, əldə olunan nəticələrin konfidensiallığının müəyyən şərtlər daxilində, müəyyən vaxta qədər qorunması və s. kimi məsələlər də yer alıb.
Qeyd edək ki, MBBİ-nin Molekulyar biologiya ixtisası üzrə dissertantı, Populyasiya genomiksi laboratoriyasının elmi işçisi Zərintac Rüstəmova 2022-ci və 2023-cü illərdə Maks Plank Təkamül Antropologiyası İnstitutunda elmi ezamiyyədə olub. Həmin instituta nəsli kəsilmiş homininlərin genomları və insan təkamülü ilə bağlı kəşflərinə görə 2022-ci ildə fiziologiya və tibb sahəsində Nobel mükafatı almiş professor Paabo Svante rəhbərlik edir.
www.science.gov.az
