Bir hekayəsi olmalı insanın, özündən sonra hər kəsin oxuyacağı bir hekayəsi... Geridə danışılacaq, oxunulacaq bir hekayə buraxanlar nə xoşbəxt insanlardır...
Qısa ömrünə oxunulduğunda, izlənildiyində hər kəsi qürurlandıracaq, duyğulandıracaq, ağladacaq bir hekayə sığdıra bilənlər nə xoşbəxt insanlardır...
Qısa ömründə özünü hər kəsə sevdirə bilən igidlərimizdən biri də "Əfsanəvi tabor"un Şəhidlərindən olan Kamil Əliş oğlu Şirinovdur.
Kamil Şirinov 9 aprel 1991-ci il tarixində Salyan rayonunun Çuxanlı kəndində , hərbçi ailəsində dünyaya gəlib. Ailənin iki oğul övladından biri idi. Atası Əliş kişi də peşəkar hərbçi olub. Hər iki qardaşın hərbçi olmağında 1-ci Qarabağ Savaşının qazisi, atası Əliş kişinin təqdirə layiq nümunəsi olub. Hər iki qardaş atalarının yolu ilə getmək, hərbçi olmaq qərarını verib, öz həyatlarını Ordu, hərb ilə bağlayıblar.
Kamil 1997-2006-cı illərdə Şəhid Ziyad Həmidov adına Çuxanlı kənd orta məktəbində, 2006-2009-cu illərdə isə Cəmşid Naxçivaniski adına Hərbi liseydə oxuyub. Liseyi müvəffəqiyyətlə bitirdikdən sonra 2009-2013-cü illərdə Bakı Ali Hərbi Məktəbdə təhsil alıb. 2013-cü ildən Azərbaycan Ordusunun Xüsusi Təyinatlı Qüvvələrində (XTQ) xidmət edib.
Qəhrəmanımız 2016-cı ilin Aprel döyüşlərində xüsusi igidliklə vuruşaraq yağılara divan tutur. Həmin ildə Prezident İlham Əliyev "Sarı Komutan" ayamalı igidimizi "Hərbi xidmətdə fərqlənməyə görə" medalı ilə təltif edir.
Kamil, eyni zamanda, Türkiyədə və digər ölkələrdə təlimlərdə iştirak edib, sonuncu dəfə isə Pakistanda 3 aylıq anti-terror təlimlərində olub.
İkinci Vətən Müharibəsi zamanı da ilk dəqiqələrdən döyüşlərə atılıb, Füzulinin azadlığı uğrunda gedən döyüşlərdə savaşıb.
Müharibənin ilk günləri ağır döyüşlər şəraitində keçirdi. Bədnam Ohanyan xəttinin Füzuli istiqamətindən yarmaq çətin idi. Cəsur kapitanımız öz bölümüylə qanlı Qaraxanbəyli döyüşündə iştirak edirdi. Sentyabrın 29-da Kamil döyüşün ən ağır məqamında yaralı əsgər yoldaşına yardım edəndə düşmən snayperinin gülləsinə tuş gəldi. Sarı Komutan son nəfəsində sinəsində əmanət olan Üçrəngli Bayrağımızı döyüş yoldaşına verib, "Bunu oğlum Türkaya çatdırın" deyərək gözlərini əbədi yumdu. Həyatı, valideynlərini, ailəsini çox sevən igidimiz Vətənimizin azadlığı uğrunda özünü fəda etdi.
Qısa ömrünə oxunulduğunda, izlənildiyində hər kəsi qürurlandıracaq, duyğulandıracaq, ağladacaq bir hekayə sığdıra bilənlər nə xoşbəxt insanlardır...
Qısa ömründə özünü hər kəsə sevdirə bilən igidlərimizdən biri də "Əfsanəvi tabor"un Şəhidlərindən olan Kamil Əliş oğlu Şirinovdur.
Kamil Şirinov 9 aprel 1991-ci il tarixində Salyan rayonunun Çuxanlı kəndində , hərbçi ailəsində dünyaya gəlib. Ailənin iki oğul övladından biri idi. Atası Əliş kişi də peşəkar hərbçi olub. Hər iki qardaşın hərbçi olmağında 1-ci Qarabağ Savaşının qazisi, atası Əliş kişinin təqdirə layiq nümunəsi olub. Hər iki qardaş atalarının yolu ilə getmək, hərbçi olmaq qərarını verib, öz həyatlarını Ordu, hərb ilə bağlayıblar.
Kamil 1997-2006-cı illərdə Şəhid Ziyad Həmidov adına Çuxanlı kənd orta məktəbində, 2006-2009-cu illərdə isə Cəmşid Naxçivaniski adına Hərbi liseydə oxuyub. Liseyi müvəffəqiyyətlə bitirdikdən sonra 2009-2013-cü illərdə Bakı Ali Hərbi Məktəbdə təhsil alıb. 2013-cü ildən Azərbaycan Ordusunun Xüsusi Təyinatlı Qüvvələrində (XTQ) xidmət edib.
Qəhrəmanımız 2016-cı ilin Aprel döyüşlərində xüsusi igidliklə vuruşaraq yağılara divan tutur. Həmin ildə Prezident İlham Əliyev "Sarı Komutan" ayamalı igidimizi "Hərbi xidmətdə fərqlənməyə görə" medalı ilə təltif edir.
Kamil, eyni zamanda, Türkiyədə və digər ölkələrdə təlimlərdə iştirak edib, sonuncu dəfə isə Pakistanda 3 aylıq anti-terror təlimlərində olub.
İkinci Vətən Müharibəsi zamanı da ilk dəqiqələrdən döyüşlərə atılıb, Füzulinin azadlığı uğrunda gedən döyüşlərdə savaşıb.
Müharibənin ilk günləri ağır döyüşlər şəraitində keçirdi. Bədnam Ohanyan xəttinin Füzuli istiqamətindən yarmaq çətin idi. Cəsur kapitanımız öz bölümüylə qanlı Qaraxanbəyli döyüşündə iştirak edirdi. Sentyabrın 29-da Kamil döyüşün ən ağır məqamında yaralı əsgər yoldaşına yardım edəndə düşmən snayperinin gülləsinə tuş gəldi. Sarı Komutan son nəfəsində sinəsində əmanət olan Üçrəngli Bayrağımızı döyüş yoldaşına verib, "Bunu oğlum Türkaya çatdırın" deyərək gözlərini əbədi yumdu. Həyatı, valideynlərini, ailəsini çox sevən igidimiz Vətənimizin azadlığı uğrunda özünü fəda etdi.
Kamilin dostu, döyüş yoldaşı Xüsusi Təyinatlı Qazi Yaşar Novruzlunun dediklərindən: "Biz Kamilnən 2014-cü ildə tanış olduq. O, xidmət elədiyim hərbi hissəyə yeni gəlmişdi. Kamil idmanı, xüsusən də futbolu çox sevərdi. Elə möhkəm dostluq münasibətlərinə çevrilən tanışlığımız da futbol yarışında oldu. Aramızda sirr yox idi, problemlərimizi dostcasına bölüşür, imkan daxilində həll etməyə çalışırdıq. Kamilin ilk sınağı 2015-ci ildə oldu. Belə ki, döyüş tapşırığına əsasən "Sarı komutan"ın dəstəsi düşmənin arxasına keçərək 16 kilometr irəlilədi. Daha sonra Xüsusi Təyinatlılarımız yağının silah anbarını partladıb, onların canlı qüvvəsinə böyük itki verərək sağ-salamat geri döndü. Bu uğurlu əməliyyata görə Kamil diğər döyüş yoldaşları ilə birgə "Vətən uğrunda" medalı ilə təltif olundu.
5 il sonra - 2020-ci ilin sentyabrında taborumuz Füzuliyə hayların Ohanyan adlı xətti istiqamətinə göndərildi. Elə 44 günlük Vətən müharibəsinin ən çətin istiqamətlərindən biri də o xətt idi. Biz sentyabrın 27-də hücuma keçdik, dörd tərəfdən dairəvi şəkildə aparılan Qaraxanbəyli döyüşü çox ağır şəraitdə keçirdi. Kamilin dəstəsi sağ cinahdan kəndə girdi, biz isə diğər cinahdan. Döyüşün ən qızğın vaxtında düşmənin diversiya qrupu arxadan bizi mühasirəyə almaq istədi... amma Kamilin dəstəsinin vaxtında edilən müdaxiləsi buna imkan vermədi. Şiddətli döyüş davam edən zaman ratsiyada Kamilin snayper tərəfindən vurulması xəbərini eşitdik. Kamil taborumuzun ilk Şəhidi idi. Bu sarsıdıcı xəbər bizi məyyus etməklə yanaşı, düşməndən qisas almağa köklədi. Kəndin çıxacağına qədər döyüşümüzü davam etdirərkən minaatanın atışı nəticəsində mən ayağımdan ciddi zədə aldım və həkimlə komandirin təkidiylə döyüş meydanından təxliyyə edildim. Məni, diğər 5 nəfər yaralımızı və Kamilin nəşini hərbi maşında, güllə yağışı altında, sonradan Şəhidlik zirvəsinə ucalan döyüş yoldaşımız Mütəllimov Qəzənfər təxliyyə etdi. Allah ona qəni-qəni rəhmət eləsin! Atəş altında ustalıqla maşını idarə edən Qəzənfər bizi lazımı yerə çatdırdı. Daha sonra məni Kamilnən "sanitarka" adlandırılan tibb maşınında Füzuli rayonunun Diaqnostika Mərkəzinə gətirdilər və mən sonuncu dəfə "Sarı komutan"la görüşərək onunla vidalaşdım.... Kamilin üzündə Vətən sevgisindən qaynaqlanan döyüşçü əzmi dünyasını dəyişəndən sonra da bizi düşməndən onun qisasını alaraq Qarabağımızı azad etməyə çağırırdı..."
Şəhadətindən sonra "Qarabağ" ordeni, "Vətən uğrunda", "Füzulinin azad olunmasına görə" medalları ilə təltif edilən Kamil Əliş oğlu Şirinov minlərlə Şəhid və Qazilərimiz kimi bu günkü Şanlı Qələbəmizin memarlarındandır!
Vətənimizin müstəqilliyi və bütövlüyü uğrunda ŞƏHİDLİK zirvəsinə ucalan Qəhrəmanlarımızın xatirəsi heç vaxt unudulmayacaq!
Vətənimizin müstəqilliyi və bütövlüyü uğrunda ŞƏHİDLİK zirvəsinə ucalan Qəhrəmanlarımızın xatirəsi heç vaxt unudulmayacaq!
Almaz Yaşar
"AYMEDİACOMPANY.AZ"
