1 iyun 1950-ci ildə Uşaqların Beynəlxalq Müdafiəsi günü BMT Baş Assambleyası tərəfindən qeyd olunması qərara alınıb. Həmin gün təşkil olunan "Qadınların Beynəlxalq Konfransı"nda uşaq hüquqlarının təmin edilməsi ilə bağlı təkliflər verilib və elə həmin tədbirdə də 1 iyun tarixi uşaqların beynəlxalq müdafiəsi günü kimi qeyd edilməsi qərara alınıb. Dünyanın bir çox ölkələrində olduğu kimi, bu gün bu bayram ölkəmizdə də qeyd edilir. Bu gün bütün ümumtəhsil məktəblərində olduğu kimi Bakı şəhəri, Xətai rayonunda yerləşən Milli Qəhrəman Zakir Yusifov adına 194 saylı tam orta məktəbdə 1 iyun uşaqlar günü, həmçinin məktəbəhazırlıq qruplarının son günü tədbiri qeyd edildi. Təhsil müəssisəsinin direktoru Elnarə Zeynalova uşaqlar və valideyinlər qarşısında "Uşaqların Beynəlxalq Müdafiəsi Günü" və Məktəbəhazırlıq qruplarının dərs ilini bitirməsi münasibətilə keçirilən tədbir haqqında təbrik çıxışı etdi. Daha sonra uşaqlara məktəbəhazırlıq qruplarını müvəffəqiyyətlə bitirdikləri üçün məktəbin müəllimi Şəfəq Rüstəmova və Direktor Elnarə Zeynalova tərəfindən həvəsləndirici sertifikatlar təqdim edildi. Biz də "Aymediacompany.az" olaraq gələcəyimiz olan uşaqları uşaqlar günü münasibətilə təbrik edir, təhsil və gələcək həyatlarında uğur və müvəffəqiyyət arzu edirik.
Fərid Əmiraslanov
"AYMEDİACOMPANY.AZ' mədəniyyət işləri üzrə direktor müavini
