1782-ci ilin bu günü Sankt-Peterburqda italiyalı heykəltaraş Etyen Falkone tərəfindən düzəldilən I Pyotrun heykəli qoyuldu. Maraqlıdır ki, Pyotrun heykəlinin baş hissəsini Falkonenin şagirdi xanım Mari Kollo hazırlayıb.
***
1789 — ABŞ Müharibə Nazirliyinin əsası qoyulmuşdur.
***
1807-ci ilin 7 avqustunda “Clermont” (Klermont) adlı ilk buxarlı sərnişin gəmisi Nyu-York - Albani arasında ilk reysini həyata keçirdi.
***
Həyatı filmlərə mövzu olan hollandiyalı casus Mata Hari (Margaretha Geertruida Zelle) 1876-cı ilin bu günü anadan olub. (1876 - 1917)
***
7 avqust 1910-cu ildə İranın hökumət qoşunları və polisi Tehrandakı Britaniya səfirliyinə sığınan Səttarxan və azsaylı dəstəsini gözlənilməz hucümla tərksilah etdilər. Atışma zamanı Səttarxan ağır yaralandı.
***
1919-cu ilin 7 avqustunda Türkiyədə Ərzurum Konqresi“Heyəti-Təmsiliyə” seçkisi ilə başa çatdı.
***
1930. Rəssam Toğrul Nərimanbəyov anadan olub
***
1931. Azərbaycan Respublikasının xalq artisti, baletmeyster Rəfiqə Axundova anadan olub
***
7 avqust böyük hind yazıçısı, Nobel mükafatı laueratı Rabirdranat Taqorun xatirə günüdür. Kəlküttə və London universitetlərini bitirdikdən sonra bədii yaradıcılığa başlayan Taqorun əsərlərində milli istiqlal uğrunda mübarizəyə çağırış var. Rabirdranat Taqor 1941-ci ilin bu günü 80 yaşında həyatdan köçüb. (1861-1941)
***
1946-cı il 7 avqustda Türkiyə Sovet İttifaqının “Boğazların statusunun dəyişdirilməsi” tələbini rədd etdi.
***
7 avqust 1960-cı ildə Fransanın Afrikadakı müstəmləkəsi olan Fil Dişi Sahili dövlət müstəqilliyini elan edib. Sonradan Kot D`İvuar (fransız dilində "Fil Dişi Sahili") Respublikası adlandı.
***
7 avqust 1964-cü ildə Vyetnam müharibəsi başladı. ABŞ Konqresi ölkə prezidenti Lindon Consona (Lyndon Baines Johnson) Vyetnama əsgər göndərmə səlahiyyəti verdi.
***
1970 — İlk dəfə olaraq kompyuterdə şahmat yarışı keçirilmişdir.
***
1976 — 11 aylıq uçuşdan sonra Vikinq 2 adlı kosmik gəmi Mars planetinin orbitinə yetişir.
***
1982-ci il 7 avqustda ermənilərin ASALA təşkilatının 2 terrorçusu Ankara Esenboğa Hava Limanına silahlı basqın etdi: 8 adam həlak oldu, 72 nəfər yaralandı. Terrorçuların isə biri öldürüldü, digəri yaralı olaraq tutuldu.
***
İraq Küveyti işğal etdikdən sonra ABŞ və müttəfiqləri 1990-cı ilin 7 avqustundan "Səhra qalxanı" hərəkatına başladı. Müttəfiqlərə dəstək verən, ancaq müharibəyə qatılmayan Türkiyə bu zaman İraqdan gələn Kərkük-Yumurtalık neft boru kəmərini bağladı.
***
1998-ci il 7 avqustda Keniya və Tanzaniyadakı ABŞ səfirlikləri eyni zamanda bombalandı, 224 nəfər öldü. Amerika Birləşmiş Ştatları hökuməti bu hücumlara görə Usamə bin Ladenin Əl-Qaidə terror təşkilatının məsuliyyət daşıdığını bildirdi.
***
1999 — İkinci Çeçen müharibəsi başlamışdır.
7 avqust 2016-cı ildə İstanbulun Yenikapı rayonunda Türkiyə tarixinin ən böyük mitinqi - Demokratiya və Şəhidlər Mitinqi oldu. Mitinqdə 5 milyon adam var idi.
***
