27 avqust 1389-cu ildə Osmanlı ordusu serbləri Kosova meydanı müharibəsində məğlub etdi. Sultan 1-ci Murad qələbədən sonra döyüş meydanını gəzərkən yaralı bir serb əsgəri tərəfindən öldürüldü.
1770-ci ilin 27 avqust görkəmli alman filosofu Georq Vilhelm Fridrix Hegelin doğum günüdür. (1770-1831) Hegel tarixdə 100 ən çox öyrənilmiş şəxsiyyətlər siyahısına daxil edilib.
1813-ci ilin 27 avqustunda Drezden döyüşündə Napoleon Rusiya, Prussiya və Avstriyanın müttəfiq qüvvələri üzərində qələbə qazanmışdır.
1871-ci ilin 27 avqustunda tanınmış Amerika yazıçısı Teodor Drayzer anadan olub (1871-1945). 1900-cü ildə yazdığı “Kerri bacı” romanına görə cəmi 68 dollar 40 sent qonorar alır və tamamilə ruhdan düşür. Yeddi ildən sonra “Kerri bacı” İngiltərədə növbəti dəfə işıq üzü görür və bestsellerə çevrilir. Roman bütün Avropa dillərinə tərcümə olunaraq çap edilir, eləcə də ABŞ-da nəşr olunur. Teodor Drayzer “Cenni Herhardt”, “Arzular trilogiyası”, “Dahi”, “Amerika faciəsi” və digər məşhur əsərlərin də müəllifidir.
27 avqust 1922-ci Türk ordusu yunan işğalı altındakı Afyonu xilas etdi.
1927-ci ilin 27 avqustunda Brian-Kelloq Paktı imzalanmışdır.
1939-cu ilin 27 avqustunda alman mühəndisi Ernst Heynkelin tikdiyi reaktiv mühərrikli təyyarənin ilk uçuşu baş tutmuşdur.
1955-ci ilin Ginnesin rekordlar kitabı Böyük Britaniyada satışa buraxılmışdır. “Ginnesin rekordlar kitabı” ilk dəfə Böyük Britaniyada “Ginness” pivə zavodunun sifarişi ilə nəşr edilib. Çox keçmədən Britaniya bestselleri olub. Hazırda isə dünyanın 100-dən çox ölkəsində, 24 dildə çap olunur.
27 avqust 1979-cu ildə Türk Hava Yollarının Frankfurt bürosuna terror təşkilatı ASALA tərəfindən bombalı hücum edildi.
27 avqust 1973-cü ildə Türkiyə-İraq Neft Kəməri Müqaviləsi imzalandı.
27 avqust 1978-ci ildə Birma Hava Yollarına aid bir təyyarə havada partladı, göyərtədəki 14 nəfər həlak oldu.
27 avqust 1982-ci idə Türkiyənin Ottavadakı səfirliyinin hərbi attaşesi Atilla Altıkat terror təşkilatı ASALA tərəfindən təşkil olunan silahlı hücumda şəhid oldu.
27 avqust 2002-ci ildə Tokioda bir məhkəmə ilk dəfə Yaponiyanın 2-ci Dünya müharibəsində və ondan əvvəl bioloji silahdan istifadə etdiyini qəbul etdi.
27 avqust 2007-ci ildə Yunanıstanın Mora yarımadasının üçdə ikisinə təsir edən və fövqəladə hal elan edilməsinə səbəb olan meşə yanğınlarında 62 insan həlak oldu.
1991-ci ilin 27 avqustunda Naxçıvan Ali Məclisinin fövqəladə sessiyasında muxtar respublika ərazisində Sov.İKP-nin və komsomol təşkilatının fəaliyyətinin dayandırılması və onların əmlakının milliləşdirilməsi haqqında qərar çıxarılıb. Ali Məclis, həmçinin Moskvada kommunist-revanşist qüvvələrin “avqust qiyamı”nı pisləyən bəyanat qəbul edib.
1991-ci il. Bakı Şəhəri Xalq Deputatları Sovetinin qərarı ilə Leninin şəhərin mərkəzi meydanındakı heykəli sökülüb. Onun adını daşıyan meydanın adı dəyişdirilərək “Azadlıq meydanı” adlandırılıb.
1998-ci ilin 27 avqustunda görkəmli kinorejissor, Xalq Artisti Tofiq Tağızadə vəfat edib (1919-1998). Ömrünün 40 ilə yaxın bir dövrünü kinoda keçirən rejissor 14 film çəkib. Ötən əsrin 50-ci illərdə çəkdiyi üç filmlə - “Görüş”, “Uzaq sahillərdə” və “Əsl dost” filmləri ilə milli kinomuza yeni üslub gətirib. O, “Dədə Qorqud” dastanının motivlərini ekranlaşdıran ilk kinorejissordur.
