1410 — Qaraqoyunlular və Sultan Əhməd Cəlayır arasında II Şənbi Qazan döyüşü baş vermiş, Qaraqoyunlu dövlətinin əsası qoyulmuşdur.
30 avqust 1721-ci ildə Rusiya ilə İsveç arasında 20 ilə yaxın (fasilələrlə) sürmüş Şimal müharibəsinin yekunları barədə Niştadt sülhü imzalanıb. I Pyotrun apardığı müharibə nəticəsində Rusiya Baltik dənizinə (dünya okeanına) çıxış əldə edib, indiki Estoniya və Litva ərazilərini, həmçinin Finlandiyanın bir hissəsini özünə birləşdirib.
30 avqust 1836-cı il ABŞ-da Hyuston şəhərinin əsası qoyulmuşdur.
30 avqust 1860-cı il ilk Britaniya tramvayı fəaliyyətə başlamışdır.
1871-ci ilin 30 avqustunda Britaniya fiziki, nüvə fizikasının “atası” kimi tanınan Ernest Rezerfordun doğum günü (1871-1937) E.Rezerford 1908-ci ildə “radioaktiv maddələr kimyasında elementlərin parçalanması sahəsində aparılan tədqiqatlara görə” Nobel mükafatına layiq görülüb. Görkəmli alim 1911-ci ildə özünün məşhur α-zərrəciklərinin yayılması təcrübəsi ilə atomun daxilində müsbət yüklü zərrəciklə yüklənmiş nüvənin və onun ətrafında mənfi yüklü elektronların mövcudluğunu sübut edib. Təcrübə nəticəsində atomun planetar modeli yaradılıb.
30 avqust 1922-ci ildə Mustafa Kamal paşanın komandanlığı altında Türk ordusu işğalçı yunan qoşunları ilə Dumlupınar döyüşündə (Kütahya vilayəti) tarixi qələbə qazanıb. Bu qalibiyyət Qurtuluş savaşında həlledici rol oynayıb. 26 avqustda Afyonkarahisarda başlayan “Büyük Taarruz” (“Böyük Hücum”) 9 sentyabrda İzmirin azad edilməsi ilə başa çatıb. 30 avqust Türkiyədə Zəfər Bayramı (Silahlı Qüvvələr Günü) kimi qeyd olunur.
30 avqust 1930-cu ildə Azərbaycan Mərkəzi İcraiyyə Komitəsi və Xalq Komissarları Sovetinin qərarı ilə respublika ərazisi yeni ərazi-inzibati vahidlərinə – rayonlara bölünüb. Azərbaycan SSR ərazisində 63 rayon yaradılıb. Bundan öncə (1920–1930-cu illərdə) respublikada ərazi-inzibati bölgüsü olaraq 10 dairə və onların tərkibində qəzalar mövcud idi.
30 avqust 1941-ci ildə II Dünya müharibəsində alman ordusu Leninqradı mühasirəyə almağa başladı. Leninqrad blokadası 900 gün davam etdi.
30 avqust 1955-ci ildə London Konfransında Kipr problemi müzakirə olundu. Böyük Britaniya Kiprdə üçtərəfli idarə sistemini təklif etdi. Yunanıstan ada xalqının gələcəyini müəyyən etmək istəyirdi. Bu halda Fatih Rüştü Zorlunun başçılıq etdiyi Türkiyə nümayəndə heyəti Kiprin keçmiş sahibi Türkiyəyə qaytarılmasını tələb etdi.
30 avqust 1973-cü il Keniyada filləri ovlamaq qadağan edildi.
1974 — Belqrad-Dortmund qatarının qəzaya uğraması nəticəsində 153 sərnişin ölmüşdür.
30 avqust 1981-ci ildə İran prezidenti Məhəmməd Əli Recai və baş nazir Məhəmməd Cavad Bahomar bombalı hücumda öldürüldülər.
30 avqust 1988-ci ildə İraq ordusundan qaçaraq Türkiyə sərhədinə yığılan minlərlə iraqlı kürd hökumətin icazəsi ilə Türkiyəyə daxil oldu.
30 avqust 1991-ci il Azərbaycan Ali Sovetinin növbədənkənar sessiyasında respublikanın dövlət müstəqilliyinin bərpası haqqında Deklarasiya qəbul edilib. Eyni vaxtda “Azərbaycan Respublikasının dövlət müstəqilliyinin bərpası haqqında” Azərbaycan Respublikası Ali Soveti qərar çıxarıb. 1991-ci il oktyabrın 18-də Ali Sovet bu qərarın icrası məqsədilə 1918-ci il mayın 28-də Azərbaycan Milli Şurasının qəbul etdiyi müstəqillik haqqında Deklarasiyaya əsaslanaraq və “Azərbaycan Respublikasının dövlət müstəqilliyinin bərpası haqqında” Azərbaycan Ali Sovetinin 1991-ci il 30 avqust tarixli Deklarasiyasını rəhbər tutaraq Azərbaycan Respublikasının dövlət müstəqilliyi haqqında Konstitusiya Aktını və müstəqil ölkəmizin dövlət, siyasi və iqtisadi quruluşunun əsaslarını təsis edib.
30 avqust 1992-ci ildə Türkiyənin təhlükəsizlik qüvvələri ilə İrandan Türkiyəyə girən separatçı terrorçular arasındakı qarşıdurmada 100 terrorçu öldürüldü.
30 avqust 1995-ci ildə NATO Markale qətliamının ardından bosniyalı serblərə qarşı hava əməliyyatı keçirdi. "Qərarlı güc" adlandırılan əməliyyat II Dünya müharibəsindən sonra Avropadakı ən intensiv bombardman oldu.
