E.ə 490-cı ilin 12 sentiyabrında Marafon döyüşü baş verib. Yunanıstanın Marafon düzənliyində baş verən bu döyüş Yunan-İran müharibələrinin (e.ə 500-449-cu illər) gedişində Əhəməni imperatoru I Daranın sonuncu yunan torpaqlarını ələ keçirib qərb sərhədlərində təhlükəsizliyi təmin etmək üçün etdiyi ilk böyük döyüşlərdən biri idi. Marafon döyüşü Yunanıstanın qələbəsi ilə nəticələnib.
12 sentiyabr 1504-cü ildə Xristofor Kolumb dünya səyahətinə başlamışdır.
12 sentyabr 1723-cü ildə çar Rusiyası ilə Səfəvi dövləti arasında Peterburq müqaviləsi imzalanıb. Müqaviləyə əsasən, Azərbaycanın Xəzəryanı əraziləri (Dərbənddən Ənzəliyədək) Rusiyanın nəzarətinə verilib. Həmin dövrdə Osmanlı ilə müharibə aparan Səfəvi dövləti üçün bu saziş taktiki səciyyə daşıyırdı. Lakin Rusiya ona umduğu dəstəyi vermədi, əksinə, 1724-cü ildə Osmanlı ilə də müqavilə bağladı. Səfəvi dövləti Rusiyanın nəzarətinə verdiyi torpaqları 1732-1735-ci illərdə geri qaytara bildi.
12 sentyabr 1801-ci ildə çar I Aleksandr Şərqi Gürcüstanın Rusiyaya birləşdirilməsi haqqında manifest imzalayıb. Manifestə əsasən, Azərbaycanın tarixi torpaqları olan Şəmsəddil, Borçalı əraziləri də Rusiyanın tərkibinə qatıldı.
12 sentiyabr 1887-ci ildə görkəmli yazıçı, Azərbaycan ədəbiyyatında tarixi, tarixi-fəlsəfi roman janrlarının banisi Yusif Vəzir Çəmənzəminli anadan olub (1887-1943). Yusif Vəzir Çəmənzəminli həm də Azərbaycan Xalq Cümhuriyyətinin Türkiyədə ilk səfiri olub. Onun “Qızlar bulağı”, “Studentlər”, “1917-ci il” romanları, “Həzrəti-Şəhriyar” komik pyesi, “Qan içində”, “İki od arasında” əsərləri bu gün də sevə-sevə oxunur. Yazıçı həm də dünya ədəbiyyatı xəzinəsinin incilərini dilimizə uğurla tərcümə edib.
12 sentyabr 1943-cü ildə Fransadakı 4 gənc 17 min illik rəsmlərin olduğu Laskou mağarasını kəşf edib. 1979-cu ildə YUNESCO tərəfindən Dünya İrsi Siyahısına daxil edilən Laskou mağarasında 600-dən çox divar rəsmi var. Üzərindəki rəsmlərin sayına, keyfiyyətinə və saxlanma dərəcəsinə görə dünyanın ən vacib abidələrindən biri hesab edilən bu mağaranı “ibtidai icma quruluşunun Sikstin kapellası” da adlandırırlar. Mağaradakı rəsm və qravyuraların tarixinin 17 min 300 il əvvələ təsadüf etdiyi ehtimal olunur.
12 sentiyabr 1953-cü ildə Xruşşov SSRİ-nin rəhbəri seçilmişdir.
12 sentyabr 1963-cü ildə Türkiyə ilə Avropa İqtisadi Birliyi ilə arasında tərəfdaşlıq müqaviləsi imzalanıb.
12 sentiyabr 1966-cı ildə Əslən Cənubi Azərbaycandan olan ABŞ vətəndaşı kosmosa gedən ilk qadın Ənuşə Ənsari anadan olur.
12 sentyabr 1980-ci ildə Türkiyədə dövlət çevrilişi baş verib, general Kənan Evrenin başçılıq etdiyi hərbçilər hakimiyyəti ələ alıblar. Dövlət çevrilişinin səbəbləri sosial-iqtisadi böhran, siyasi qüvvələrin, xüsusilə də sol-sağ qarşıdurmasının ölkəni vətəndaş müharibəsi astanasına gətirməsi idi. Çevrilişdən sonra ölkədə bütün partiyaların, müstəqil medianın fəaliyyəti dayandırıldı. 1982-ci ildə referendum yolu ilə ölkənin yeni Ana Yasası qəbul edildi, Kənan Evren prezident seçildi. ABŞ-da Dünya Bankında çalışan Turqut Özal isə baş nazirliyə dəvət olundu.
12 sentiyabr 2001-ci ildə yazıçı, tərcüməçi Manaf Süleymanov vəfat etmişdir.
12 sentiyabr 2008-ci ildə Bakıda böyük özbək şairi və mütəfəkkiri Əlişir Nəvainin abidəsi açılıb. Mərasimdə Azərbaycan Prezidenti İlham Əliyev və Özbəkistan Prezidenti İslam Kərimov iştirak ediblər.
12 sentyabr 2017-ci il tarixində Prezident Rəcəb Tayyib Ərdoğan Rusiya istehsalı olan S-400 raketdən müdafiə sisteminin alınmasına dair müqavilənin imzalandığını açıqlayıb..
