20 sentyabr 622-ci ildə Məhəmməd Peyğəmbər ilə Hz. Əbu Bəkir Məkkədən Mədinəyə hicrət etdi.
20 sentiyabr 1519-cu ildə Fernan Magellanın rəhbərliyi ilə ilk dünya səyahəti - ispan dəniz ekspedisiyası başlanıb. Dəniz səyahəti 1519-cu il sentyabrın 20-də başlanıb və 1522-ci il sentyabrın 6-da başa çatıb. Ekspedisiya 5 gəmidə yerləşən böyük (müxtəlif mənbələrə görə 265-280 nəfərlik) komandadan ibarət idi.
20 sentiyabr 1792-ci ildə Fransada boşanmağa icazə verildi.
20 sentyabr 1827-ci ildə Rusiya-İran müharibəsi gedişində general İvan Paskeviçin başçılıq etdiyi rus qoşunları İrəvan xanlığının Sərdarabad qalasını ələ keçiriblər. Sərdarabad Ermənistan sovetləşəndən sonra eyniadlı rayonun mərkəzi olub. 1932-ci ildə Oktemberyan, 1992-ci ildə Armavir adlandırılıb.
20 sentyabr 1870-ci ildə Cüzeppe Haribaldinin rəhbərliyi ilə İtaliyanın birləşdirilməsi başa çatıb. Roma İtaliyanın paytaxtı elan edilib. Lakin Vatikan (Roma Papası) bununla razılaşmadı və 1929-cu ilədək onun İtaliya ilə münasibətləri açıq qaldı. Həmin il şəhərdə cəmi 44 hektar əraziyə malik Vatikanın dövlət statusu müəyyənləşdi.
20 sentiyabr 1907-ci ildə Məşhur Azərbaycan riyaziyyatçısı, akademik Əşrəf Hüseynovun doğum günü (1907-1981). Akademik Ə.Hüseynov dünya elmində qeyri-xətti sinqulyar inteqral tənliklər nəzəriyyəsinin banisi hesab edilir. O, çoxsaylı elmi məqalələrin, dərslik və monoqrafiyaların müəllifidir.
20 sentiyabr 1918-ci ildə Bakı komissarları güllələndilər.
20 sentyabr 1924-cü ildə İraqın şimalında Kərkük türklərinin yaşadığı və neftlə zəngin olan Mosul bölgəsi ilə bağlı məsələ Millətlər Liqasının müzakirəsinə verilib. İraq Britaniyanın protektoratlığında idi, Mosula isə Türkiyə iddia edirdi. Millətlər Liqası Britaniyanın istədiyi qərarı çıxardı və Mosul İraqın tərkibində (ingilislərin nəzarətində) qaldı.
20 sentiyabr 1934-cü ildə məşhur italyan aktrisası, Kann (1961), Venesiya (1958, 1998, 2002), Moskva (1965, 1997), Berlin (1994) kinofestivallarının fəxri mükafatlarına layiq görülmüş Sofi Loren anadan olub. Dünya kinosunun canlı əfsanəsi Sofi Loren xarici dildə filmdə ən yaxşı qadın roluna görə ilk “Oskar” mükafatı laureatı(1962) və “Kinematoqrafa solmaz parlaqlıq bəxş etmiş yaddaqalan rollarla zəngin karyerasına görə” fəxri “Oskar” mükafatı laureatıdır (1991).
20 sentyabr 1942-ci ildə Ukraynanın Letiçev şəhərində alman qüvvələri iki gün ərzində təqribən 3 min yəhudini öldürdü.
20 sentiyabr 1946-cı ildə İlk Kann kinofestivalının açılışı oldu.
1951-ci ilin 20 sentyabr günü Türkiyə NATO-ya qoşuldu.
20 sentyabr 1984-cü ildə Beyrutdakı ABŞ Səfirliyinə edilən bombalı intihar hücumunda ikisi amerikalı 23 nəfər öldü. Yaralanan 60 adam arasında ABŞ və İngiltərə səfirləri də var idi.
20 sentyabr 1988-ci ildə Naim Süleymanoğlu Seul Olimpiadalarında ağırlıqqaldırmada 6 dünya rekordu qırdı.
20 sentiyabr 1993-cü ildə Azərbaycan Respublikasının Milli Məclisi ölkənin MDB-yə daxil olmasına səs verdi.
20 sentyabr 1994-cü ildə Bakıda, “Gülüstan” Sarayında Xəzər dənizinin Azərbaycan sektorundakı “Azəri”, “Çıraq” və “Günəşli” neft yataqlarının işlənməsinə dair beynəlxalq kontrakt imzalanıb. “Əsrin müqaviləsi” ilə Azərbaycanın yeni neft strategiyasının əsası qoyulub. Prezident Heydər Əliyevin fərmanı (16 avqust 2001-ci il) ilə 20 sentyabr “Neftçilər günü” kimi qeyd olunur.
20 sentyabr 2012-ci ildə PKK-lı terrorçuların hücumuna məruz qalan Tunceli vilayətinin Ovacık qəsəbəsinin baş prokuroru Murat Uzun həyatını itirdi.
20 sentyabr 2014-cü ildə terror təşkilatı DEAŞ tərəfindən girov götürülən Türkiyənin Mosul Baş Konsulluğu işçiləri və ailələri sərbəst buraxıldı.
20 sentiyabr 2013-cü ildə Bakının Qaradağ rayonunda Prezident İlham Əliyevin iştirakı ilə gəmiqayırma zavodunun açılış mərasimi olub. Öz istehsal imkanlarına görə Xəzər dənizi hövzəsində analoqu olmayan bu müəssisədə hər il yükqaldırma qabiliyyəti 15 min ton olan dörd tanker və ya yükqaldırma qabiliyyəti 70 min ton olan iki tanker, platformaların təchizatı üçün dörd gəmi istehsal etmək, müxtəlif təyinatlı 80-100 gəmini təmir etmək mümkün olacaq.
20 sentiyabr 2014-cü ildə Bakıda Azərbaycan Prezidenti İlham Əliyevin, Bolqarıstan Prezidenti Rosen Plevneliyevin, Gürcüstanın, Yunanıstanın, Monteneqronun hökumət başçılarının, Türkiyə, Albaniya, Böyük Britaniya və digər ölkələrin hökumətlərinin, beynəlxalq təşkilatların və xarici şirkətlərin yüksək vəzifəli şəxslərinin iştirakı ilə “Cənub” qaz dəhlizinin təməlqoyma mərasimi keçirilib. Dəhliz üzrə 2018-ci ildə Türkiyəyə, 2019-cu ildə Avropaya Azərbaycan qazının nəqlinə başlamaq planlaşdırılır.
