20 dekabr 1522-ci ildə Qanuni Sultan Süleymanın komandanlığındakı Osmanlı ordusu Rodosu fəth etdi. Rodos, 11 ada və Bodrumun Osmanlı dövlətinə daxil olması Aralıq dənizində ticarət gəmilərinin təhlükəsizliyi baxımından böyük əhəmiyyət daşıyırdı.
1699-cu 20 dekabr tarixində I Pyotr Rusiyada yeni ilin 1 sentyabrda deyil, 1 yanvarda qeyd edilməsi barədə fərman vermişdir.
1803-cü il 20 dekabr tarixində ABŞ Luiziananı 15 milyon dollara Fransadan satın almaqla, ölkə tarixində ən böyük torpaq alqı-satqısına imza atıb. Luiziananın rəsmi ayaması Qutan ştatıdır. Fransa kralı IV Lüdovikin şərəfinə adlandırılıb.
20 dekabr 1873-cü ildə Türkiyənin Dövlət himninin sözlərinin müəllifi Mehmet Akif Ersoy (1873-1936) anadan oldu. Milli himn üçün şeir müsabiqəsində qalib gəldi. Himnin mətni 1921-ci il martın 12-də Türkiyə Böyük Millət Məclisi tərəfindən təsdiq edildi.
1879-cu il 20 dekabr tarixində Tomas Edison közərmə lampasını təqdim etmişdir.
20 dekabr 1915-ci ildə Çanaqqalada Türk ordusunu keçə bilməyərək məğlub olan ingilis-Anzak qüvvələri Anafartalar və Arıburnu bölgəsini boşaltdı. Müttəfiq qüvvələrin 9 yanvar 1916-cı ildə Səddülbahir bölgəsindən çəkilməsilə Çanaqqalada Türkiyə ordusunun zəfəri təsdiqləndi.
1915-ci il 20 dekabr tarixində Türk yazıçısı, dramaturq Əziz Nesinin (1915-1995) doğum günüdür. O, satirik və yumoristik hekayələrdən və nağıllardan ibarət 34 toplunun, səkkiz romanın, o cümlədən “Futbol kralı” romanının, “Belə gəlib belə getməz” adlı avtobioqrafik romanın, altı pyesin müəllifidir. Ə.Nesin satirası sosial qüsurlara tuşlanıb.
1952-ci il 20 dekabr tarixində M.F.Axundov adına Azərbaycan Dövlət Pedaqoji İnstitutu (indiki BSU) fəaliyyətə başlamışdır.
20 dekabr 1968-ci ildə “Qəzəb salxımları” kitabı ilə tanınmış amerikalı yazıçı Con Steynbek həyatını itirdi.
20 dekabr 1970-ci ildə Polşada qida qiymətinin artamasına etirazını bildirən işçilərə atəş edilməsi nəticəsində yüzlərlə insan yaralandı. Ölkədə ciddi böhran yaradan hadisədən sonra Kommunist Partiyasının lideri Qomulka istefasını vermək məcburiyyətində qaldı.
1987-ci il 20 dekabr tarixində Suda ən böyük qəza baş verib: Filippin sahillərində “Vektor” tankeri ilə toqquşan “Donya Pas” bərəsi suya qərq olub. Nəticədə 4400 adam (bərə 1500 adam üçün nəzərdə tutulmuşdu) həlak olub.
20 dekabr 1989-cu ildə ABŞ 25 min əsgərlə Panamaya müdaxilə etdi və diktator Manuel Norieqa hakimiyyətdən getdi.
1990-cıil 20 dekabr tarixində SSRİ xarici işlər naziri Eduard Şevardnadze gözlənilmədən istefa vermişdir.
1991-ci il 20 dekabr tarixində Litva Azərbaycanın müstəqilliyini tanıyan ilk keçmiş sovet respublikası olub. İki ölkə arasında diplomatik münasibətlər 1995-ci il noyabrın 20-də qurulub.
1999-cu il 20 dekabr tarixində Portuqaliyanın 400 illik hökmranlığından sonra Aomen (Makao) Çinin yurisdiksiyasına keçib və geniş muxtariyyət hüquqları olan Aomen Xüsusi İnzibati Rayonu adlanıb.
Beynəlxalq İnsan Həmrəyliyi Günüdür. BMT Baş Məclisi 2005-ci il dekabrın 22-də Beynəlxalq İnsan Həmrəyliyi Gününün elan olunması haqqında qətnamə qəbul edib. Qətnamə Minilliyin Bəyannaməsi əsasında hazırlanıb. Bəyannamədə deyilir ki, həmrəylik XXI əsrdə beynəlxalq münasibətlərin əsasını təşkil etməli olan fundamental və universal bəşəri dəyərlərdən biridir.
