532-ci ilin yanvarında Bizans imperatorluğunun paytaxtı Konstantinopolis (indiki İstanbul) tarixin ən böyük şəhər qiyamlarından biri olan Nika üsyanına səhnə oldu. 13 yanvardan başlayıb 5 gün davam edən üsyanda təxminən 30 min adam həyatını itirdi.
1654-cü il 18 yanvar tarixində Pereyaslav radasında Ukraynanın Rusiyaya birləşməsi haqqında qərar qəbul edildi.
1670-ci il 18 yanvar tarixində Henri Morqan Panamanı ələ keçirdi.
1778-ci il 18 yanvar tarixində İngilis dəniz səyyahı Ceyms Kuk Havay adalarını kəşf edən ilk avropalı olub. Həmin vaxt C.Kuk Havay adalarını “Səndviç adaları” adlandırmışdı.
1871-ci il 18 yanvar tarixində Prussiya krallığının Fransa imperiyası üzərində qələbəsindən sonra Versal sarayında birləşmiş alman dövlətlərinin əsasında Almaniya imperiyası yaradılıb. İmperiya Almaniyanın Birinci Dünya müharibəsində məğlubiyyətinə qədər yaşadı.
1886-cı il 18 yanvar tarixində İngiltərədə Xokkey Assosiasiyasının yaradılması ilə müasir xokkeyin əsası qoyulub.
1896-cı il 18 yanvar tarixində Rentgen cihazı ilk dəfə Nyu-Yorkda nümayiş etdirilib. Həmin dövrdə şüanın xarakteristikası fizikaya bəlli olmadığına görə ona “X şüası” adı verilmişdi.
Görkəmli alim, pedaqoq, maarifçi, Əməkdar Elm Xadimi, akademik Mehdi Mehdizadə anadan olub (1903-1984). 1941-ci ildə namizədlik, 1956-cı ildə doktorluq dissertasiyalarını müdafiə edən M.Mehdizadə 1961-ci ildə respublikanın xalq maarifi naziri təyin edilərək, səmərəli fəaliyyət göstərib. O, SSRİ Pedaqoji Elmlər Akademiyasının həqiqi üzvü olub (1967). Akademik M.Mehdizadə pedaqogika və təhsilə dair çoxsaylı monoqrafiya və məqalələrin müəllifidir. Onun yaxından iştirakı və həmmüəllifliyi ilə iki hissədən ibarət “Pedaqogika” dərs vəsaiti hazırlanaraq nəşr olunub. Azərbaycan elminə, təhsilinə dəyərli töhfələr vermiş akademik M.Mehdizadə səmərəli xidmətlərinə görə yüksək mükafatlara layiq görülüb.
1903-cü il 18 yanvar tarixində ABŞ Prezidenti Teodor Ruzveltin Britaniya Kralı VII Eduarda göndərdiyi radio mesajı Atlantik okeanı üzərindən ötürülən ilk rabitə əlaqəsi olub. Bu ixtiranın - radionun müəllifi olan italiyalı elektrik mühəndisi Qulyelmo Markoni 1909-cu ildə simsiz teleqrafiya sahəsindəki xidmətlərinə görə fizika üzrə Nobel mükafatına layiq görülüb.
1911-ci il 18 yanvarda tarixdə ilk dəfə olaraq, təyyarənin gəmi göyərtəsinə enişi həyata keçirilib. Pilot Yugen Elinin idarə etdiyi təyyarə ABŞ-a məxsus “Pensilvaniya” gəmisinin göyərtəsinə enib.
Birinci Dünya Müharibəsində məğlub olan dövlətlərlə müqavilər bağlamaq üçün müttəfiq dövlətlərin nümayəndələrindən ibarət Paris Sülh Konfransı 1919-cu ilin 18 yanvar tarixində işə başladı. 32 ölkə təmsilçisinin iştirak etdiyi konfransda, başda Avropanın olmaqla, dünya xəritəsi yenidən şəkilləndirildi.
1943-cü il 18 yanvar tarixində İkinci dünya müharibəsi: Sovet ordusu Leninqradın 872 gün davam edən mühasirəsini yarıb.
