Azərbaycanın görkəmli dövlət xadimi, Ağqoyunlu hökmdarı Uzun Həsən 1478-ci il yanvarın 5-də həlak olub. O, 1423-cü ildə indiki Türkiyə torpaqlarındakı Diyarbəkir rayonunda dünyaya gəlib. Muş vuruşmasında (1467) Cahanşahı məğlubiyyətə uğradan Uzun Həsən Qaraqoyunlu dövlətinə son qoyaraq, Mahmudabad döyüşündə isə Əbu Səidə qalib gələrək Teymurilər dövlətini zəiflədib, Azərbaycan və fars torpaqlarının da daxil olduğu geniş bir ərazini öz hakimiyyəti altında birləşdirib, paytaxtı Təbriz olan böyük Ağqoyunlu dövlətini yaradıb. 45 yaşında hakimiyyətə gələn Uzun Həsən ölkənin iqtisadi həyatını dirçəltmək və vergi toplanmasını nizama salmaq üçün xüsusi “Qanunnamə” hazırlayıb. Uzun Həsən tarixdə həm də mədəniyyət hamisi olaraq tanınır. (1423-1478)
1809-cu ilin bu günü – 5 yanvar tarixində Qaleyi-Sultaniyə müqaviləsi imzalanıb. Bu müqavilə ilə 1807-ci ildə başlayan Osmanlı - Böyük Britaniya müharibəsi sona çatıb.
1889-cu ildə alman fiziki Martin Brendel ilk dəfə insanların enerji sahələrinin, yəni auralarının foto şəklini yaradıb.
1895-ci il 5 yanvar tarixində Rentgen şüaları kəşf edildi.
Dünya hüquq tarixinə düşən Fransadakı "Dreyfus məhkəməsi" 1895-ci ilin 5 yanvarında sona çatdı. Məhkəmə Almaniya üçün casusluq etməkdə günahlandırılan yüzbaşı Alfred Dreyfusu ömürlük həbsə məhkum etdi. Rütbələri sökülən Dreyfus həbsxanaya göndərildi. Onun günahsız olduğuna inanan yazıçı Emile Zola dövrün Fransa başçısına xitabən "Günahlandırıram" başlıqlı açıq məktub yazdı. Bununla mövzu gündəmə gəldi, məhkəmə işi yenidən müzakirə olundu və 8 il sonra Dreyfusun bəraəti ilə nəticələndi. “Legion d'honneur” medalı sahibi Alfred Dreyfus minbaşı (mayor) rütbəsi alaraq yenidən Fransa ordusuna qayıtdı.
Birinci Dünya Müharibəsi sona çatdıqdan sonra Almaniyada yaradılan Veynmer (Weimar) respublikasında 1919-cu ilin 5 yanvar tarixində yeni bir partiya quruldu. Alman işçilərin haqqlarını müdafiə etmək üçün yaradılan partiya daha sonra Milli Sosialist Alman Fəhlə Partiyası adlandı. Partiyanın sədri Adolf Hitler seçildi.
Türkiyənin Anadolu torpaqları uğrunda milli mübarizə nəticəsində Adana düşmən işğalından 1922-ci ilin 5 yanvar tarixində qurtarılıb.
1883-cü ildə Türkiyə, İngiltərə və Fransanın sərmayəsilə qurulan, daha sonra Almaniya bankı tərəfindən alınan Anadolu-Bağdad və Mersin-Tarsus dəmir yolları 1929-cu ilin bu günü Türkiyə hökuməti tərəfindən satın alındı və milliləşdirildi.
1930-cu il 5 yanvar tarixində Sovet İttifaqında kollektivləşmə və kolxoz quruculuğuna yardım haqqında qərar qəbul edilib. Kolxoz quruculuğu SSRİ-də, o cümlədən Azərbaycanda dəhşətli repressiyalarla, 1 milyona yaxın adamın qolçomaq adı ilə damğalanaraq sürgün edilməsi ilə müşayiət olundu. Kütləvi kolxozlaşmanın nəticəsi olaraq 1931-1933-cü illərdə SSRİ-ni dəhşətli aclıq bürüdü, milyonlarla insan öldü.
1933-cü il 5 yanvar tarixində San-Fransiskoda Golden Gate körpüsünün (şəkildə) tikintisinə başlandı.
1956-cı il 5 yanvar tarixində İlk sovet ekspedisiyası Antarktidaya çatıb.
Türkiyənin Dənizli rayonunun Acıpayam qəsəbəsində çobanlıq edərkən bir müəllim tərəfindən zəkası təsbit edilən, əvvəl Türkiyədə, sonra isə Bostonda təhsil alan, adını elm tarixinə yazdıran Hüseyn Yılmazın "Umumi nisbiliyə dair yeni nəzəriyyə"si 1959-cu ilin 5 yanvar tarixində dünyanın ən nüfuzlu "Physical Review” jurnalında dərc olundu.
1968-ci ilin 5 yanvarında Çexoslovakiya Kommunist Partiyasının sədri Aleksander Dubçek seçildi. İslahatçı xarakteri ilə tanınan A.Dubçek ölkəsində sovet təsirini azaltmaq üçün bəzi addımlar atdı ki, bunlar tarixə "Praqa baharı" olaraq düşdü. SSRİ-nin başçılığı altında olan Varşava Paktının üzvləri Aleksander Dubçekin islahat proqramına cavabı Çexoslovakiyanı işğal etməklə verdilər.
1969-cu il 5 yanvar tarixində SSRİ Venera planetinə kosmik aparat göndərib. Aparat təyinat yerinə 4 aya çatıb.
5 yanvar 1991-ci ildə Bakının Dağüstü mədəniyyət və istirahət parkında (indiki Şəhidlər xiyabanının ərazisi) 20-ci illərdə Azərbaycana rəhbərlik etmiş S.M.Kirovun heykəli sökülüb.
1992-ci il 5 yanvar tarixində Azərbaycan Respublikasının Müdafiə Şurası ləğv edilib. Hakimiyyət və müxalifət rəhbərlərinin iştirakı ilə ölkədə guya ordu quruculuğuna kömək məqsədilə yaradılan (sentyabr 1991-ci il) Müdafiə Şurası əslində siyasi mübarizə və intriqa mərkəzinə çevrilmişdi.
Hər il Avropa Şurası tərəfindən verilən “İlin müzeyi” mükafatı 1993-cü ilin bu günü İstanbul Arxeologiya Muzeyinə verildi.
2005-ci il 5 yanvar tarixində məlum olan ən böyük cırtdan planet — Erida kəşf edildi.
