İtalyan alimi, biomexanikanın banisi sayılan Covanni Alfonso Borelli (1608-1679) 1608-ci ilin bu günü anadan olub. Fizika, tibb, astronomiya, geologiya, riyaziyyat, mexanika üzrə əsərlərin müəllifidir. Planetlərin hərəkətlərinin dinamikası problemini nəzərdən keçirən ilk alimlərdən biri və Nyutonun ümumdünya cazibə qanununu kəşf etməsinə yol açmışdı.
1828-ci il 28 yanvar tarixində Çar Rusiyası İranla müharibənin (1826-1828) gedişində Cənubi Azərbaycanın Urmiya şəhərini işğal edib. Bunun ardınca general İvan Paskeviçin başçılıq etdiyi rus qoşunları Ərdəbili də ələ keçiriblər. Fevralın 10-da İran Rusiya ilə təslimçi Türkmənçay sülh müqaviləsini imzalamağa məcbur olub.
1887-ci il 28 yanvar tarixində Eyfel qülləsinin tikintisinə başlanıb. Fransa inqilabının 100 illik yubileyi münasibətilə tikilən Eyfel qülləsinə ildə 6 milyon turist baş çəkir. Hər il qülləni korroziyadan qorumaq üçün 60 ton boya işlədilir. 1940-cı ildə Hitlerin qoşunları Parisə daxil olmazdan əvvəl fransızlar qüllənin liftini xarab ediblər. Bu səbəbdən də alman əsgərləri qülləyə öz bayraqlarını asa bilməyiblər. “Hitler Fransanı fəth etsə də, Eyfel qülləsini fəth edə bilmədi” ifadəsi belə yaranıb.
1906-cı ildə Sankt-Peterburqda qızlar üçün qızlar üçün ilk ali texniki təhsil müəssisəsi. - qadın politexnik kursları açıldı. Bu Rusiyada qızlar üçün qızlar üçün ilk ali texniki təhsil müəssisəsi sayılırdı.
Azərbaycan SSR və Özbəkistan SSR əməkdar artisti Boris Zeydman (1909-1982) 1909-cu ilin 28 yanvarında dünyaya göz açıb. Uzun müddət Azərbaycanda, Bakı Musiqi Akademiyasında çalışıb. Onun tələbələri tanınmış Azərbaycan bəstəkarları Fikrət Əmirov və Murad Kazlayev olub.
1920-ci ilin 28 yanvar tarixindә Misakı Milli Osmanlı Dövlәtinin Mebusan Mәclisi tәrәfindәn qәbul edilib. Әrzurum vә Sivas konqreslәrindә әsas xәtlәri müәyyәn edilәn vә altı müddәadan ibarәt olan Misakı Milli Osmanlı Dövlәtinin parçalanmasının qarşısını almaq üçün bir addımdı. Misakı Millinin elan edilmәsindәn sonra müttәfiqlәr bәzi millәt vәkillәrini Maltaya sürgün etdi vә istanbulu işğal etdi.
1923-cü il 28 yanvar tarixində “İnqilab və mədəniyyət” jurnalının ilk nömrəsi Tağı Şahbazi Simurqun baş redaktorluğu ilə çapdan çıxıb. 1953-cü ildə “Azərbaycan” adlandırılan jurnal o vaxtadək müxtəlif adlarla nəşr olunub. Jurnala müxtəlif dövrlərdə Cəlil Məmmədquluzadə, Ruhulla Axundov, Mirzə İbrahimov, Məmməd Arif, Mehdi Hüseyn, Əli Vəliyev, İsmayıl Şıxlı, Cabir Novruz, Yusif Səmədoğlu və digər görkəmli ədəbiyyat xadimləri baş redaktorluq edib. Prezidentin Fərmanı ilə jurnal 1997-ci ildən dövlət büdcəsinin vəsaiti hesabına çap olunur.
1958-ci il 28 yanvar tarixində Kiprdə ingilislərin türk nümayişçilərə atəş açması və əsgərin yük avtomobilini insanların üstünə sürməsi nəticəsində 8 nəfər həlak oldu.
1965-ci il 28 yanvar tarixində Kanada bayrağının dizaynı parlament aktı ilə qəbul edildi.
1980-ci il 28 yanvar tarixində Azərbaycanda peşəkar diktorluq məktəbinin yaradıcısı Aydın Qaradağlı vəfat edib (1929-1980). O, Əməkdar Artist fəxri adına layiq görülmüş ilk diktordur (1964). Azərbaycan radiosunun “Qızıl fond”unda A.Qaradağlının ifasında dünya klassiklərinin, o cümlədən Nizami, Füzuli, Natəvan, Cəfər Cabbarlı, Şəhriyar, habelə Səməd Vurğun, Süleyman Rüstəm, Rəsul Rza və Hüseyn Arifin əsərlərinin səs yazısı saxlanılır.
1982-ci ilin 28 yanvar tarixindә Türkiyәnin Los Ancelesdәki Baş Konsulu Kemal Arıkan evinә gedәrkәn iki ermәni terrorçu tәrәfindәn qәtlә yetirilib.
28 yanvar 1986-cı ildə ABŞ kosmik tədqiqatlar sahəsində böyük faciə ilə üzləşib. “Çelencer” kosmik gəmisi (çoxdəfəli istifadə olunan) startdan sonra 73-cü saniyədə partlayıb. Gəmidəki 7 kosmonavtın ölümü Amerika üçün şok oldu. 2003-cü il fevralın 1-də Amerika ikinci belə şok yaşadı: “Columbia” şattlının partlaması nəticəsində yenə 7 kosmonavt həlak oldu.
28 yanvar 1992-ci ildə Qarabağ müharibəsi gedişində erməni silahlı qüvvələri Azərbaycanın dinc əhalisinə ən böyük terror aktlarından birini həyata keçiriblər. Ağdam-Şuşa marşrutu ilə uçan “Mİ-8” sərnişin vertolyotu Xankəndidən atılmış raketlə vurulub. Vertolyotdakı 47 nəfərin hamısı həlak olub. Bu, dünya aviasiya tarixində ən böyük mülki vertolyot qəzalarından sayılır.
2007-ci ilin 28 yanvar tarixindә İraqın Nәcәf şәhәrinә daxil olmaq istәyәn Amerika qüvvәlәri ilә şiә qruplaşmalar arasında qarşıdurma olub. Hadisә nәticәsindә tәxminәn 300 nәfәr hәlak olub.
2007-ci il 28 yanvar tarixi Beynəlxalq Məlumatların Mühafizəsi Günü kimi qeyd edilir. Bu bayram ona görə təsis edilib ki, internet istifadəçiləri internetdə onların virtual və real həyatlarını qorumağa kömək edən davranış qaydalarına riayət etməyi unutmasınlar.
