1257-ci ilin 6 fevralında Sorbona universitetinin bünövrəsi qoyulub. Dövrün Fransa kralı IX Lui keşiş Robert de Sorbona kollec yaratmağı tapşırır. Sorbon da bu kolleci yaradır və onun ilk direktoru olur. O vaxtdan bu elm ocağı onun adını daşıyır. Dünyanın bir çox dahi şəxsiyyəti Sorbona Universitetində təhsil alıb.
6 fevralda Yeni Zelandiya xalqı milli bayramını qeyd edir. 1840-cı ilin bu günü Vaytanq çayı sahilində maori tayfaları ilə İngiltərə hökumət nümayəndələri arasında müqavilə imzalanır. Bu müqaviləyə görə, Yeni Zelandiya suverenlik qazanır.
Dünya kimya elmində “Üzvi kataliz təlimi”nin banisi sayılan Nikolay Zelinski 1861-ci ilin 6 fevralında anadan olub. Onun Azərbaycan respublikasında milli üzvi kimya məktəbinin təşəkkül tapmasında da əvəzsiz xidmətləri vardır. (1861-1953)
1886-cı il 6 fevral tarixində Klemens Vinkler germanium kimyəvi elementini kəşf etdi.
1900-cü ildə rusiyalı alim Aleksandr Popov dünyada ilk dəfə olaraq radio ilə dənizdə Qoqland adasında fəlakət siqnalını verib. Məlumat sahildən qopmuş buz parçası üzərində balıqçıların köməyinə gəlməli olan "Ermak" buzqıran gəminin kapitanı üçün nəzərdə tutulub.
1905-ci il 6 fevral tarixində Bakıda erməni-daşnak silahlı dəstələrinin müsəlman əhaliyə qarşı kütləvi qırğınları başlayıb. Çar Rusiyası hakim dairələrinin ölkədəki inqilab dalğasından diqqəti yayındırmaq üçün təhrik etdikləri toqquşmalar fevralın 9-dək davam edib və erməni silahlı dəstələri mindən çox müsəlman-türkü qətlə yetiriblər. Bakıda bir müddət hərbi vəziyyət elan edilib, lakin erməni silahlı qüvvələrinin müsəlman əhaliyə qarşı hücumları fasilələrlə sonrakı dövrdə də (1907-ci ilədək) davam edib.
1928-ci ilin 6 fevralında Türkiyə Konstitusiyasından dövlət dininin İslam olduğu maddəsi çıxarılaraq dünyəvilik prinsipinin əsas götürüldüyü bildirilib.
1933-cü ilin 12 noyabrında elan edilən uyğurların Şərqi Türküstan İslam Respublikası Ma Cunqyinq (Ma Chnagying) ordusunun müdaxiləsi nəticəsində 1934-cü ilin 6 fevralında süquta uğradılıb. 10 il sonra (1944-cü ilin 12 noyabrı) təkrar qurulan Şərqi Türküstan Respublikası Rusiya və Çinin birliyi nəticəsində yenidən təcavüzə uğrayıb və 1946-1949-cu illərdə ərazidə Çinin hakimiyyəti altında koalisiya hökuməti yaradılıb. 1949-cu ilin 20 aprelində uyğurların respublikası təkrar məhv edilib. Həmin ilin dekabrında Çin Xalq Qurtuluş Ordusu bölgəyə girərək Şərqi Türküstanı yalnız muxtariyyət olaraq tanıyıb.
İkinci Dünya Müharibəsinin (1941-1945) ən qızğın dövründə - 1942-ci ildə 416-cı Qafqaz Atıcı Diviziyası yaradılıb. Heyəti azərbaycanlı döyüşçülərdən obarət olan bu diviziya müharibə illərində misilsiz rəşadət göstərib və 1945-ci il mayın 7-də Berlinin məhşur Brandenburq darvazasına birinci çatıb.
1942-ci il 6 fevral tarixində İkinci dünya müharibəsi zamanı Böyük Britaniya Taylanda müharibə elan etdi.
1950-ci il 6 fevral tarixində Milli muğam sənətinin görkəmli nümayəndəsi, Xalq Artisti Ağaxan Abdullayev anadan olub (1950-2016). Özünəməxsus ifa tərzi ilə seçilən, Azərbaycan xalqının çoxəsrlik musiqi mədəniyyəti xəzinəsinə töhfələr verən Ağaxan Abdullayevin sənət fəaliyyəti gənc və istedadlı ifaçıların yeni nəslinin formalaşdırılması üçün bir məktəbdir. Muğamın klassik ifa üslubunun və bütövlükdə Azərbaycan milli musiqi sənətinin saflığının qorunub saxlanması onun 40 ildən artıq müddətdə fəaliyyətinin qayəsini təşkil edib. Klassik muğamlarımızla yanaşı, bir çox təsniflər və xalq mahnıları məhz onun ahəngdar ifasında Azərbaycan musiqi mədəniyyətinin inciləri sırasına həmişəlik daxil olub. Heydər Əliyev Fondu tərəfindən muğamla bağlı həyata keçirilən genişmiqyaslı proqramlarda iştirakı onun muğam ifaçılığı ənənələrinin qorunması istiqamətindəki fəaliyyətinin ayrılmaz parçası olub.
1952-ci ilin 6 fevralında II Yelizaveta atasının ölümündən sonra Böyük Britaniyanın kraliçası olub. O, İngiltərə Millətlər Birliyinin üzvü olan 53 ölkədən 16-sının kraliçası, eyni zamanda, bu birliyin sədri və İngiltərə Kilsəsinin Ali rəhbəridir. II Yelizaveta dünyanın ən yaşlı və Britaniyanın ən uzunömürlü hökmdarı sayılır.
1955-ci ilin 6 fevralı Azərbaycanın ilk maarifçi qadınlarından biri, Mirzə Cəlilin həyat yoldaşı Həmidə Cavanşirin xatirə günüdür. O, doğulduğu Ağcabədi rayonunun Kəhrizli kəndində qadınlar üçün ilk məktəb və toxuculuq emalatxanası açıb. Qafqaz Müsəlman Qadınları Xeyriyyə Cəmiyyətinin yaradıcılarından biri və sədr müavini olan, “Molla Nəsrəddin” jurnalının nəşrinə yardım edən Həmidə xanım həm də atası Əhməd bəy Cavanşirin tərcümeyi-halını, Cəlil Məmmədquluzadə və Mirzə Ələkbər Sabir haqqında xatirələrini qələmə alıb, Azərbaycan yazıçılarının əsərlərini ruscaya tərcümə edib. (1873-1955)
1958-ci ilin 6 fevralında İngiltərənin məşhur komandası “Manchester United”in futbolçularını da daşıyan təyyarə Münhen Hava Limanına enişi zamanı qəzaya uğradı. 22 nəfərin həyatını itirdiyi qəzada 8 “Manchester United” futbolçusu var idi.
1959-cu ilin 6 fevralında Floridadakı “Cape Canaveral” kosmik bazasında Titan qitələrarası balistik raketinin ilk sınağı uğurlu keçib. Titan raketi ötən əsrin 60-cı illərində Apollo kosmik gəmisinin aya enişinə hazırlığı və kosmik vasitələrin orbitə qaldırılması üçün istifadə edilirdi.
1960-cı ilin 6 fevralında İstanbulda klassik türk musiqisinin tanınmış bəstəkarı və tənbur ustası Selahattin Pinar dünyasını dəyişib.
1983-cü ilin 6 fevral tarixindә komandan Klaus Barbie II Dünya Müharibәsindә törәtdiyi bәşәri cinayәtlәr sәbәbindәn ömür boyu hәbs cәzasına mәhkum edilib. Bu qәrarı Fransa mәhkәmәsi tәrәfindәn qәbul edib.
2004-cü ilin 6 fevral tarixindә Moskva Metrosunda partlayış baş verib. Terror aktı olaraq açıqlanan hücum nәticәsindә 40 nәfәr hәlak olub, 129 nәfәr dә yaralanıb.
2006-cı il 6 fevral tarixində Azərbaycan Prezidentinin Fərmanı ilə Ailə, Qadın və Uşaq Problemləri üzrə Dövlət Komitəsi yaradılıb. Komitə ailə, qadın və uşaq problemləri ilə iş sahəsində dövlət siyasətini həyata keçirən mərkəzi icra hakimiyyəti orqanıdır.
