Bürcəli Veysəl oğlu Əsgərov 15 fevral 1933-cü ildə Borçalı bölgəsinin Qasımlı kəndində doğulub. 1952-ci ildə Azərbaycan Dövlət Teatr İnstitutunun dram və kino aktyorluğu fakültəsinə daxil olub. Ona aktyor sənətinin incəliklərini görkəmli aktyor və rejissor Rza Təhmasib öyrədib.
1956-cı ildən ömrünün sonuna kimi Akademik Dram Teatrında işləyib. Rejissorlardan Adil İsgəndərovun, Səftər Turabovun, Əliheydər Ələkbərovun, Nəsir Sadıqzadənin, Ələsgər Şərifovun, Tofiq Kazımovun, Əşrəf Quliyevin, Məmmədkamal Kazımovun, Fikrət Sultanovun, Azər Paşa Nemətovun, Mərahim Fərzəlibəyovun, Bəhram Osmanovun, Mehriban Ələkbərzadənin quruluş verdikləri müxtəlif üslublu və janrlı tamaşalarda rollar oynayıb.
Bürcəli Əsgərovun yaradıcılığında faciə, dram, komediya, tragikomediya rolları vardır. Aktyor bütün janrlı səhnə əsərlərində sərbəst, yaradıcılıqla və dinamik ehtirasla obrazlar yaradıb.
"Şeyx Sənan", "Qəribə adam", "Almaz", "Cavanşir", "Qaçaq Nəbi", "Tufanlı il", "Otelio" Göz həkimi", "1905-ci ildə", "Od gəlini", "Kəndçi qızı", "Tufan", "Dönüş", "Ana ürəyi", "Dağlar qızı", "Əliqulu evlənir", "Əcəb işə düşdük”, "Antoni və Kleopatra", "Dəlilər" və onlarla digər tamaşalarda canlandırdığı obrazlar bu qəbildəndir.
Teatr sənətində qazandığı nailiyyətlərə, uğurlu aktyor ifalarına görə 1982-ci ildə “Azərbaycan Respublikasının Əməkdar artisti” fəxri adına layiq görülüb.
İstedadlı aktyor 2005-ci il noyabrın 1-də Bakıda vəfat edib.
1956-cı ildən ömrünün sonuna kimi Akademik Dram Teatrında işləyib. Rejissorlardan Adil İsgəndərovun, Səftər Turabovun, Əliheydər Ələkbərovun, Nəsir Sadıqzadənin, Ələsgər Şərifovun, Tofiq Kazımovun, Əşrəf Quliyevin, Məmmədkamal Kazımovun, Fikrət Sultanovun, Azər Paşa Nemətovun, Mərahim Fərzəlibəyovun, Bəhram Osmanovun, Mehriban Ələkbərzadənin quruluş verdikləri müxtəlif üslublu və janrlı tamaşalarda rollar oynayıb.
Bürcəli Əsgərovun yaradıcılığında faciə, dram, komediya, tragikomediya rolları vardır. Aktyor bütün janrlı səhnə əsərlərində sərbəst, yaradıcılıqla və dinamik ehtirasla obrazlar yaradıb.
"Şeyx Sənan", "Qəribə adam", "Almaz", "Cavanşir", "Qaçaq Nəbi", "Tufanlı il", "Otelio" Göz həkimi", "1905-ci ildə", "Od gəlini", "Kəndçi qızı", "Tufan", "Dönüş", "Ana ürəyi", "Dağlar qızı", "Əliqulu evlənir", "Əcəb işə düşdük”, "Antoni və Kleopatra", "Dəlilər" və onlarla digər tamaşalarda canlandırdığı obrazlar bu qəbildəndir.
Teatr sənətində qazandığı nailiyyətlərə, uğurlu aktyor ifalarına görə 1982-ci ildə “Azərbaycan Respublikasının Əməkdar artisti” fəxri adına layiq görülüb.
İstedadlı aktyor 2005-ci il noyabrın 1-də Bakıda vəfat edib.
