1412-ci il 18 dekabr tarixində Qaraqoyunlu hökmdarı Qara Yusif Kür çayı sahilindəki döyüşdə Şirvanşah I İbrahim və onun müttəfiqlərini məğlub etmişdir.
18 dekabr 1865-ci ildə vətəndaş müharibəsinin başa çatmasından sonra ABŞ-da quldarlığa rəsmi olaraq son qoyuldu. Köləliyə icazə verən bütün nizamlamalar federal qanunlardan çıxarıldı.
1879-cu il 18 dekabr tarixində İosif Stalin (İosif Vissarionovoç Cuqaşvili) anadan olub (1879-1953). O, milliyyətcə gürcüdür. 1922-ci ilin aprelində Rusiya KP (b) MK-nın plenumunda MK-nın birinci katibi seçilib. Ona 1943-cü ildə "Sovet İttifaqı Marşalı" rütbəsi, 1945-ci ildə isə məxsusi təsis edilmiş "Sovet İttifaqı Generalisimusu" rütbəsi verilib. Ölümündən bir müddət sonra şəxsiyyətə pərəstişdə ittiham olunan Stalinin adı “Tarixdə ən çox öyrənilmiş 100 şəxsiyyət” siyahısına daxil edilib.
1894-cü il 18 dekabr tarixində Avstriyada qadınlar seçki hüququ əldə etmidir.
1903-cü il 18 dekabr tarixində Panama kanalı daimi olaraq ABŞ-nin nəzarəti altına keçmişdir.
1917-ci il 18 dekabr tarixində Türkiyə və Sovet Rusiyası arasında Ərzincan müqaviləsi imzalanmışdır.
1921-ci il 18 dekabr tarixində SSRİ Xalq Artisti Yuri Nikulin anadan olub (1921-1970). O, bir çox sevilən rus filmlərində maraqlı obrazlar yaradıb. Onun iştirakı ilə çəkilmiş məşhur kinokomediyalar sırasında "Brilyant əl", "12 stul", "Quldur qocalar" və digər filmlər var. Yuri Nikulin Leonid Qaydayın filmlərindəki məşhur üç personajdan (Qorxaq, Axmaq və Çoxbilmiş) Axmaq rolunu canlandırıb. Bu personajlar tamaşaçılara "Araq çəkənlər", "Köpək Barbos və qeyri-adi qaçış" ("Tam ciddi"), "I" əməliyyatı və Şurikin başqa macəraları", "Qafqaz əsiri və ya Şurikin yeni macəraları" filmlərindən tanışdır.
18 dekabr 1925-ci ildə Moskvada Ümumittifaq Kommunist (bolşeviklər) Partiyasının 14-cü – “Sənayeləşmə qurultayı” başlanıb. Sovet hökuməti ölkədə kütləvi sənayeləşmə kursunu elan edib.
1940-cı il 18 dekabr tarixində Hitler SSRİ-yə hücum barədə "Barbaros planı"nı təsdiq etmişdir.
1946-cı il 18 dekabr tarixində Beynəlxalq Valyuta Fondu (İMF) fəaliyyətə başlamışdır.
1953-cü il 18 dekabr tarixində İlk rəngli televiziya yayımı həyata keçirilmişdir.
1970-ci il 18 dekabr tarixində Katolik kilsəsinin müqavimətinə baxmayaraq, İtaliya hökuməti boşanmaya icazə verən qanunu qəbul etmişdir.
1973-cü il 18 dekabr tarixində İslam Konfransı Təşkilatına üzv ölkələrin maliyyə nazirlərinin toplantısında İslam İnkişaf Bankının yaradılması ilə bağlı bəyannamə imzalanıb. Bank 1975-ci ilin oktyabrında fəaliyyətə başlayıb. Yalnız İslam Konfransı Təşkilatında təmsil olunan ölkələr banka üzv ola bilər. Bankın başlıca məqsədi üzv dövlətlərin və müsəlman icmalarının iqtisadi və sosial inkişafına İslam qanunlarına uyğun şəkildə yardım göstərməkdən ibarətdir
1980-ci il 18 dekabr tarixində SSRİ Nazirlər Sovetinin Sədri Aleksey Kosıgin (1964-1979) vəfat etmişdir.
1990-cı il 18 dekabr tarixində BMT Baş Assambleyası miqrant və onların ailələrinin hüquqlarını qoruyan beynəlxalq konvensiya qəbul edib. Konvensiyanın qəbul olunduğu tarix 2000-ci ildən BMT Baş Assambleyasının qərarı ilə Beynəlxalq Miqrant Günü kimi qeyd edilir.
18 dekabrd 1996-cı ildə Peruda Tupak Amaru partizanları paytaxt Limadakı Yapon Səfirliyinə basqın edib. 4 ay müddətində Səfirlikdəki 70 nəfəri girov götürən 14 silahlı Peru təhlükəsizlik qüvvələrinin əməliyyatı nəticəsində öldürülüb.
18 dekabr 1997-ci ildə Prezident Heydər Əliyev “1948-1953-cü illərdə azərbaycanlıların Ermənistan SSR ərazisindəki tarixi-etnik torpaqlarından kütləvi sürətdə deportasiyası haqqında” fərman imzalayıb. Fərmanda 100 minə yaxın azərbaycanlının ata-baba yurdlarından deportasiyasına dair SSRİ Nazirlər Sovetinin 1947-ci il 23 dekabr və 1948-ci il 10 mart tarixli qərarlarına siyasi qiymət verilir, bu deportasiya aktlarının XIX əsrin əvvəlindən başlayaraq azərbaycanlılara qarşı həyata keçirilmiş təqib və soyqırımı siyasətinin tərkib hissəsi olduğu vurğulanırdı.
18 dekabr 2002-ci ildə qərbli təşkilatların Türkiyə əleyhinə kəşfiyyat işləri barədəki fəaliyyətlərilə tanınmış dossent Nəcip Hablemitoğlu evinin qabağında naməlum şəxs tərəfindən sui-qəsdə qurban getdi.
18 dekabr 2006-cı ildə "Daş dövrü" və "Ayı Yoqi" cizgi filmlərilə tanınmış Cozef Barbera həyatını itirib.
