Tarixi insanlar yazır. İnsanın özü tarixdir.Tarix bizim şüurumuzda, düşüncələrimizdə,hisslərimizdə, mənəviyyat və təfəkkürümüzdə anlaq yaradan hər məhfumda yaddaşımızdır. Bu mövzuda yazacağım hər tarix sözü hər bir insanın yaddaşı mənasındadır. Bəzən bizim tanıdığımız dahilərin dövründə tanıdıqlarımızdan da elə böyük dahilər olub ki, bizə tanıtdırılanlardan da üstün zəkaya və elmə sahib olub. Bu məsələ bunu işıqlandıran tarixçilərin insafına qalıb. Dövrümüzdə də elədir. İstənilən sahədə tanınmamış dahilər var papaq altda yatan. Bu deyim elə belə deyil. Papaq kişilik, qeyrət rəmzidir. Elə insanlar var ki, onların tanınmaqdan və tarixdə qalmaqdan keçən yolları başlarındakı papağı ayaqlar altına ata bilər, buna görə də kişiliyinin, mənlik və qürurunun altında yatmaqdır papaq altda yatmaq. Tarix həmişə insanlara ədalətli olmayıb. Dövrünün ən böyük dühalarını bəzən unutdurur. Bu zaman insanlarının öz mənəviyyatından, vicdanından asılıdır. Onsuz hər bəşər övladı ölümə məhkumdur. Tarixdə qaldı qalmadı, hərkəs öləcək.Tarixi yaşadanların sayəsində isə tarix ölmür və tarixə həkk olanları əbədi yaşatmaqla mükafatlandırır. Tarix hər bir insanın həm də nəsildən nəslə ötürülən DNT yaddaşıdır. Çünki bəzən tarix müqəddəslərimizi əbədiyyətlə yaşadır. Peyğəmbərləri, xalqın müqəddəslərini, tarixin unudulmaz dühalarını. Ancaq bir sual çıxır ortaya?! Tarix müqəddəslərə bu qədər dəyər verirsə, 124 min peyğəmbərin nə qədərini tanıyırıq? Ona görə gəlin tariximizə, yəni özümüzə sahib çıxaq və ədalətli olaq. Ziyalılara, alimlərə, elm adamlarına, mədəniyyəti yaşadanlara, hər sahənin sənətkarlarına qiymət verək, yaşadaq.

Fərid Əmiraslanov
"AYMEDİACOMPANY.AZ",
Mədəniyyət işləri üzrə drektor müavini