Məşhur fransız şairi, yazıçısı və tənqidçisi Şarl Perro (Charles Perrault) 1628-ci ilin bu günü anadan olub. Onun “Qırmızı papaq”, “Çəkməli pişik”, “Büllur başmaq” nağılları dünyanın əksər xalqlarının dillərinə tərcümə edilib, əsərlərinin süjetləri əsasında opera və baletlər yazılıb, bədii və cizgi filmləri çəkilib. (1628-1703)
12 yanvar 1793-cü ildə Rusiya və Prussiya Polşanı ikinci dəfə bölüşdürüblər. Peterburqda imzalanan müqaviləyə əsasən, Qdansk Prussiyaya verilib, Rusiya isə indiki Ukrayna və Belarusun əksər hissəsini əldə edib. Almanların Dansiq adlandırdığı Qdansk liman şəhəri 1945-ci ildə yenidən Polşanın tərkibinə qayıtdı.
İstanbulun Beyoğlu rayonunda inşa edilən tunel 1875-ci ilin 12 yanvarından sərnişin daşımağa başladı. Bu tünel London metrosundan sonra dünyanın köhnə sistemli ikinci yeraltı ictimai nəqliyyat sistemidir. 1939-cu ildə Beyoğlu tuneli milliləşdirildi.
Tanınmış Amerika yazıçısı Cek London (Jack London) 1876-cı ilin 12 yanvarında San-Fransiskoda dünyaya gəlib. Gəncliyində sərgərdan həyat keçirən, müxtəlif günəmuzd işlər görən, matros, sonralar müxbir çalışan Cek müstəqil yollarla savad qazanıb, Kaliforniya Univesitetinə daxil olub, lakin maddi çətinlik üzündən təhsilini yarımçıq qoyub. Cek London “Şimal” hekayələri, “Qar qızı” romanı, “Əcdadların çağırışı” və “Ağ diş” povestlərində yaşadığı cəmiyyətin anti-humanist mahiyyətini qələmə alıb. Yazıçıya ən böyük şöhrəti isə daha çox “Dəniz canavarı”, “Dəmir daban” və “Martin İden” əsərləri gətirib.
SSRİ-də Atom Enerjisi İnstitutunun əsasını qoyan alim, məşhur rus fiziki, akademik İqor Kurçatov 1903-cü ilin bu günü anadan olub. 1924-1925-ci illərdə Azərbaycan Politexnik İnstitutunun fizika kafedrasında assistent ikən nüvə fizikası sahəsində tədqiqatlara başlayıb. Nüvə reaksiyalarının şaxələnməsini kəşf edən və bir sıra elementin süni radioaktivliyinin öyrənilməsinin tədqiqi ilə məşğul olan İqor Kurçatovun rəhbərliyi ilə Moskvada ilk Siklotron və Avropada ilk atom reaktoru qurulub, ilk sovet atom bombası və dünyanın ilk termonüvə bombası yaradılıb. (1903-1960)
1907-ci il 12 yanvar tarixində Sovet alimi, kosmik raket texnikası üzrə konstruktor, kosmik tədqiqatlar təşkilatçısı Sergey Korolyovun doğum günüdür (1907-1966). Onun rəhbərliyi altında kosmik uçuşlar üçün raketlər və gəmilər hazırlanırdı, onun ideyaları ilə sovet kosmik tədqiqatlarınıın istiqaməti müəyyənləşdirilirdi.
1908-ci ilin köhnə təqvimlə 12, yeni təqvimlə 25 yanvar tarixində Azərbaycanın paytaxtı Bakıda Üzeyir Hacıbəyovun “Leyli və Məcnun” operasının ilk nümayişi oldu. Bütün Şərqin ilk operasında Məcnun rolunda Hüseynqulu Sarabski, Leyli rolunda isə, o vaxtlar hələ qadın aktrisa olmadığına görə, çayçı şagirdi Əbdürrəhim Fərəcov oynayırdı. Operanın dirijoru isə tanınmış yazıçı və dramaturq Əbdürrəhim bəy Haqverdiyev idi.
1908-ci il 12 yanvar tarixində Eyfel qülləsi radio qülləsi kimi istifadə edilməyə başladı.
1915-ci ilin 12 yanvar tarixindǝ ABŞ-ın Nümayǝndǝlǝr Palatasına tǝqdim olunan qadınlara sǝsvermǝ hüququ verǝn qanun layihǝsi rǝdd edildi.
12 yanvar 1920-ci ildə son Osmanlı Mebusan Məclisi İstanbulda toplandı. Həm sultan, həm də Anadolu xalqını təmsil edən millət vəkillərinin iştirak etdiyi Məclis ölkənin torpaq bütövlüyünün təmin edilməsi və tam müstəqillik naminə "Misaki-Milli" qərarını verdi. Bundan razı qalmayan müttəfiqlər 16 martda İstanbulu rəsmən işğal etdilər və Məclisi dağıtdılar. Millət vəkillərinin bir qisimi həbs olunaraq Malta adasına sürgün edildi.
1920-ci ilin 12 yanvar tarixindǝ 23 dövlǝt Azǝrbaycan Respublikasını tanıdığını elan etdi. Rusiya isǝ 1918-ci ildǝ Azǝrbaycan Milli Şurası tǝrǝfindǝn elan edilǝn Azǝrbaycan Demokratik Respublikasını tanımamışdı.
1923-cü ilin 12 yanvar tarixindǝ Parisin Pasteur İnstitutunda tetanoz xǝstǝliyinǝ qarşı peyvǝnd hazırlandı.
1936-cı il 12 yanvar tarixində görkəmli Latviya bəstəkarı Raymond Pauls anadan olub. O, Rusiya estradasının ulduzu Alla Puqaçovanın repertuarındakı çox populyar “Maestro”, “Starinnıye çası”, “Million alıx roz”, “Bez menya” və digər mahnıların müəllifidir, həmçinin Valeri Leontiyev, Layma Vaykule kimi estrada ulduzları ilə çalışıb.
1940-cı ilin 12 yanvar tarixindǝ İkinci Dünya müharibǝsi zamanı Rusiya Finlandiyanı bombalamağa başladı. Bu hücumdan sonra Rusiya qüvvǝlǝri Almaniya torpaqlarına daxil oldu.
1951-ci ilin 12 yanvar tarixindǝ beynǝlxalq cinayǝtlǝrin qarşısının alınması vǝ cǝzalandırılması konvensiyası qüvvǝyǝ mindi.
1990 — Sovet İttifaqının rəhbəri Mixail Qorbaçovun Vilnüsə səfəri zamanı 300 min nəfər müstəqillik tələbi ilə mitinq keçirdi.
1991-ci il 12 yanvarda ABŞ Konqresi İraq ordusunun Küveytdən çıxarılması üçün hökumətə əmretmə səlahiyyəti verdi. Bu qərar Birinci Körfəz Müharibəsinin başlanmasına səbəb oldu.
1999-cu ilin 12 yanvar tarixindǝ 19 Avropa dövlǝti insan klonlaşdırılmasının qadağan edilmǝsi mǝsǝlǝsindǝ razılıq ǝldǝ etdi. Bununla bağlı müqavilǝ Parisdǝ imzalandı.
2000-ci il 12 yanvar tarixində Türkiyədəki koalisiyalı hökumət terrorçu Abdullah Öcalan barəsində çıxarılan ölüm hökmünün icrasını təxirə saldı.
2006-cı ilin 12 yanvar tarixindǝ Sǝudiyyǝ Ərǝbistanında zəvvarların şeytan daşlama prosesi zamanı baş verən faciədə nǝticǝsindǝ 362 nǝfǝr hәlak oldu, çox sayda zǝvvar yaralandı.
